Ышая 37:1—38
37 Хиския падыша муну угары менен кийимин айрып, таар жамынып, Жахабанын ибадатканасына барды.+
2 Анан ак сарай башчысы Элиакимди, катчы Шебна менен дин кызматчылардын сакалдууларын таар жамынтып, Амостун уулу Ышая+ пайгамбарга жөнөттү.
3 Алар ага барып: «Хиския сизге: „Биз үчүн бүгүнкү күн башыбызга мүшкүл түшкөн, жазаланган*, мазакталган күн болуп турат. Анткени биз баласы жатындын оозуна келип калган, бирок төрөгөнгө дарманы жок аялдай болуп турабыз.+
4 Балким, Жахаба Кудайыңыз башкы шарап сунуучунун — Ашурдун падышасынын тирүү Кудайды мазакташ үчүн+ жиберген кызматчысынын — сөздөрүн угар, Жахаба Кудайыңыз уккан ошол сөздөрү үчүн аны жоопко тартар. Сиз болсо калган эл+ үчүн Кудайдан тилениңиз“,+— деп айтты»,— дешти.
5 Ошентип, Хиския падышанын кызматчылары Ышаяга барышканда,+
6 ал аларга: «Мырзаңарга мындай деп айтып баргыла: „Жахаба мындай дейт: “Өзүң уккан сөздөрдөн, Ашурдун падышасы жөнөткөн кызматчылардын+ мени кордогон сөздөрүнөн коркпо.+
7 Ал бир кабар угат, ошондо мен ага бир ой салам, ошон үчүн ал өз жерине кайтат.+ Аны өз жеринде кылыч менен өлтүртөм”“»,— деди.+
8 Башкы шарап сунуучу Ашурдун падышасынын Лакиштен чегингенин угуп, кайтып барса, ал Либна менен согушуп жатыптыр.+
9 Ашурдун падышасы Эфиопиянын падышасы Тергактын аны менен согушканы чыкканын укканда Хискияга дагы кабарчыларын жөнөтүп,+ аларга:
10 «Жүйүттүн падышасы Хискияга мындай дегиле: „Сен таянган Кудайың: “Иерусалим Ашурдун падышасынын колуна салынып берилбейт”,— деп сени алдабай эле койсун.+
11 Ашурдун падышаларынын бардык жерлерди эмне кылганын, кантип кыйратканын уккансың да,+ анан сен аман калмак белең?
12 Менин ата-бабаларым кыйраткан элдерди кудайлары куткара алды беле?!+ Гозан, Харан,+ Ресеп менен Теласардагы Эйдендин эли каякта?!
13 Хамат падышасы, Арпат падышасы, Сепарбайым,+ Хена менен Иба шаарларынын падышалары кайда?!“» — деди.
14 Хиския кабарчылардын колунан каттарды алып окуду. Анан Жахабанын ибадатканасына барып, аларды Жахабанын алдына жайды да,+
15 Жахабадан мындай деп тилене баштады:+
16 «Оо, асман аскерлеринин Кудайы Жахаба,+ керуптардын үстү жагында* тактыда отурган Ысрайыл Кудайы, жер жүзүндөгү бардык элдердин* чыныгы Кудайы жалгыз сенсиң. Анткени асман менен жерди сен жараткансың.
17 Оо, Жахаба, кулагыңды төшөй көр!+ Жахаба, көзүңдү ачып, назар сала көр!+ Тирүү Кудайды мазактаганы киши жиберген Сенхейриптин сөздөрүнө көңүл бурбай койбо!+
18 Оо, Жахаба, Ашурдун падышаларынын бардык жерлерди, өздөрүнүн жерин да кыйратканы чын.+
19 Алар ошол жерлердин кудайларын отко ыргытып жок кылышкан,+ себеби алар кудай эмес, пенденин колунан бүткөн нерсе,+ жыгач, таш болчу.
20 Оо, Жахаба Кудайыбыз, жер жүзүндөгү бүт падышалыктар сенин жалгыз Кудай экениңди билишсин. Ошон үчүн, оо, Жахаба, бизди анын колунан куткара көр».+
21 Ошондо Амостун уулу Ышая Хискияга мындай деп айттырып жиберди: «Ысрайылдын Кудайы Жахаба мындай дейт: „Сен менден Ашурдун падышасы Сенхейрип жөнүндө тиленгендиктен,+
22 мен, Жахаба, ал жөнүндө мындай дейм:
“Сион кызы* сени баркка албайт, шылдыңдайт.
Иерусалим кызы сени карап башын чайкайт.
23 Сен кимди мазактап,+ кимге тил тийгиздиң?
Кимге үнүңдү көтөрдүң?+
Кимге бой көтөрө карадың?
Ысрайылдын Ыйыгына!+
24 Кызматчыларың аркылуу Жахабаны мазактап:+
“Көп сандаган согуш арабаларым менен барып,Тоолордун чокусуна чыгам,+Лебанондун эң алыскы боорлоруна чейин жетип,Бийик бал карагайларын, тандамал арчаларын кыям.
Эң бийик жерлерине, кооз токойлоруна кирем.
25 Кудуктарды казып, суу ичем,Мисирдеги дарыяларды* таманым менен какшытам”,— дедиң.
26 Сен уккан эмес белең? Мен муну эбак эле чечип койгом,Мурун эле ниет кылгам,+Эми аткарам.+
Сен чептүү шаарларды ээн калтырып, үйүлгөн урандыга айлантасың.+
27 Алардын тургундары алсырайт,Үрөйлөрү учуп, уятка калат.
Алар талаадагы өсүмдүктөй, көк чөптөй эле болуп калат,Тамдын үстүнө өсүп чыгып, чыгыш шамалы күйгүзүп кеткен чөптөй болот.
28 Мен сен жөнүндө бүт баарын: качан отурарыңды, качан кирип-чыгарыңды билем,+Мага каарданганыңды да билем.+
29 Анткени мага каарданганыңды,+ аркыраганыңды уктум.+
Ошон үчүн мурдуңа илмек, оозуңа ооздук салам,+Сени келген жолуң менен артка кайтарам”“.
30 Бул сага* жышаан болот: быйыл өзү өсүп чыккан эгинди жейсиңер, кийинки жылы да ошол эле жерге өзү өсүп чыккан эгинди жейсиңер. Ал эми үчүнчү жылы үрөн сээп, оруп аласыңар, жүзүм отургузуп, мөмөсүн жейсиңер.+
31 Жүйүт элинен аман калгандар,+ куткарылгандар терең тамыр жайган, мол түшүм берген өсүмдүктөй болушат.
32 Иерусалимден аман-эсен чыккандар, Сион тоосунан аман-эсен кайткандар болот.+ Муну асман аскерлеринин Кудайы Жахаба бүт ынтасы менен ишке ашырат.+
33 Ошондуктан Жахаба Ашурдун падышасы жөнүндө мындай дейт:+
“Ал бул шаарга кирбейт,+Бул жакка жебе атпайт,Калкан көтөрүп келбейт,Шаарды курчаш үчүн дөбө үйбөйт.+
34 “Келген жолу менен артка кайтат,Бул шаарга кирбейт,— дейт Жахаба.—
35 Мен бул шаарды коргоп,+Өзүм үчүн,+ кызматчым Дөөтү үчүн куткарам”“».+
36 Ошондо Жахабанын периштеси ашурлук аскерлердин конушундагы 185 000 кишисин кырып салды. Эртең менен эрте тургандар жер жайнаган өлүктөрдү көрүштү.+
37 Ашурдун падышасы Сенхейрип чегинип, Нинебиге+ кайтып барды да, ошол жакта калды.+
38 Бир күнү ал өзүнүн кудайы Нисрохтун ибадатканасында сыйынып жатканда, уулдары Адрамелек менен Шаресер аны кылыч менен өлтүрүп,+ Арарат+ жерине качып кетишти. Анын ордуна уулу Эсархадон+ падыша болду.
Шилтемелер
^ Же: «кордолгон».
^ Же балким: «ортосунда».
^ Сөзмө-сөз: «падышалыктардын».
^ «Сион кызы», «Иерусалим кызы» деген поэтикалык сөз айкаштары, адатта, Иерусалим шаарын же тургундарын билдирет.
^ Же: «Нил дарыясынын чоң арыктарын».
^ Б. а. Хискияга.
