Забур 54:1—7
-
Душмандардын арасындагы кишинин тиленүүсү
-
«Кудай — менин жардамчым» (4)
-
Жетекчиге. Кыл аспаптардын коштоосунда аткарылат. Маскил. Дөөтүнүн ыры. Зиптиктер келип, Шабулга: «Дөөтү биз жакта жашынып жүрөт»,— дешкен убакта жазылган.+
54 Оо, Кудай, ысмыңа жараша иш кылып, мени сактай көр,+Кудуреттүү күчүң менен мени коргой көр*.+
2 Оо, Кудай, тиленгенимди уга көр,+Оозуман чыккан сөздөргө кулак сала көр.
3 Анткени душмандар* мага каршы чыгып,Зулумдар жанымды кыюуну көздөп жатышат.+
Кудайым, алар сенден коркушпайт.+ (Села)
4 Кудай — менин жардамчым,+Жахаба мени колдогондордун тарабында.
5 Ал душмандарыма кыянат иштери үчүн тиешесин берет;+Кудайым, сөзүңө туруп, аларды жок кыла көр.+
6 Сага чын ыкластан курмандык чалам.+
Оо, Жахаба, ысмыңды даңктайм, анткени ал кереметтүү*.+
7 Сен мени бардык кыйынчылыктарымдан куткарып келесиң,+Душмандарымдын кулаганын кубанып карап турам.+
Шилтемелер
^ Же: «сот ишинде мага болуш».
^ Сөзмө-сөз: «чоочундар».
^ Же: «анткени ошенткеним жакшы».
