Еврейлерге 2:1—18
2 Ошондуктан багытыбыздан чыгып кетпеш үчүн+ уккан нерселерибизге өзгөчө көңүл бурушубуз керек.+
2 Себеби Кудайдын ата-бабаларыбызга периштелер аркылуу айткан сөздөрү*+ өзгөрүлгүс болуп, мыйзамды бузган жана ага баш ийбеген ар бир адам адилеттүү жазаланчу.+
3 Анда Кудайдын бизди куткарыш үчүн кылган ушунчалык чоң ишин баалабай койсок, жазадан кантип качып кутулмак элек?+ Ал жөнүндө башында Мырзабыз жарыялай баштаган,+ андан уккандар болсо бизге айтып берип, анын сөздөрүн бышыкташкан.
4 Алардын айткандары чын экенин Кудай да керемет-жышаандарды көрсөтүп, ар кандай ажайып иштерди жасап ырастаган.+ Ал муну кызматчыларына ыйык рухун* өзүнүн эркине ылайык берип да далилдеген.+
5 Анткени ал биз айтып жаткан келечектеги жерди+ башкарганга периштелерди дайындаган эмес.
6 Бир жолу бир күбө: «Сен эстеп жүргүдөй, адам ким болуп калыптыр? Сен кам көргүдөй, адам баласы ким болуп калыптыр?+
7 Сен аны периштелерден бир аз төмөн кылып жараткансың. Аны даңк менен урмат-сыйга бөлөгөнсүң, ага колуңан бүткөндүн баарынын үстүнөн бийлик бергенсиң.
8 Баарын ага баш ийдиргенсиң»,— деп айткан.+ Кудай баарын өз Уулуна баш ийдирген,+ ага баш ийбеген эч нерсе калган эмес.+ Бирок биз бардыгынын ага баш ийдирилгенин азырынча көрө элекпиз.+
9 Анткен менен Кудай периштелерден бир аз төмөн койгон Исаны көрдүк.+ Азап тартып өлгөнү үчүн Кудай аны даңк менен урмат-сыйга бөлөдү.+ Ал Кудайдын ырайымы баарына көрсөтүлсүн деп, ар бир адам үчүн өлгөн.+
10 Бардыгы Кудайдын аркасы менен жана ал даңкталышы үчүн бар болуп турат. Ал көптөгөн уулдарын даңкка бөлөш үчүн+ алардын куткарылышына шарт түзгөн Башчыны+ чеккен азаптары аркылуу жеткилең кылууну туура көргөн+.
11 Ошол уулдарды ыйыктаган Исанын да, ыйыкталган алардын+ да Атасы бир болгондуктан,+ Иса аларды «бир туугандарым» дегенден уялбайт.+
12 Ошондуктан ал: «Сенин ысмыңды бир туугандарыма жарыялайм, жыйналышта сени даңктап ырдайм»,+— дейт.
13 Ошондой эле: «Ага таянам»,+— дейт. «Мен өзүм жана Жахаба* берген балдарым»,+— деп да айтат.
14 Ошол «балдар» кадимки адам болгондуктан*, Иса да адам болгон.+ Ал өлүмгө дуушар кыла ала турганды,+ атап айтканда, Ибилисти+ өзүнүн өлүмү менен жок кылыш үчүн,
15 өмүр бою өлүмдөн коркуп, кулчулукта жүргөндөрдүн баарын эркиндикке чыгарыш үчүн+ адам болуп келген.
16 Себеби ал периштелерге эмес, Ыбрайымдын тукумуна жардам бериш үчүн келген.+
17 Ошондуктан адамдардын күнөөлөрү үчүн+ өз өмүрүн берип, аларды Кудай менен элдештириш үчүн+ жана Кудайга кызмат кылып жатканда кайрымдуу, ишенимдүү башкы дин кызматчы болуш үчүн ал «бир туугандарына» бардык жагынан окшош болушу керек болчу.+
18 Ал өзү да сыналып,+ азап чеккендиктен сыналып жаткандарга жардам бере алат.+
Шилтемелер
^ Б. а. Муса пайгамбар аркылуу берилген Мыйзам.
^ Б. а. Кудайдын ыйык күчү.
^ Же: «кан менен эттен тургандыктан».
