Ышая 14:1—32
14 Жахаба Жакыпка кайрымдуулук кылат+, кайрадан Ысрайылды тандап алат+, аларды өздөрүнүн жеринде бейпилдикке бөлөйт+. Аларга келгиндер кошулуп, Жакыптын үйүнө ыкташат+.
2 Элдер аларды өз жерине жеткиришет. Ысрайыл үйү аларга ээлик кылат, Жахабанын жеринде аларды кул, күң кылат+. Алар өздөрүн туткундагандарды туткундап+, өздөрүн жумушка салгандарга үстөмдүк кылышат+.
3 Жахаба сени азаптан, мүшкүлдөн, кулчулуктун запкысынан куткарып, бейпилдик берген күнү+
4 Бабыл падышасы жөнүндө ылакап чыгарып, мындай дейсиң:
«Башкаларды жумушка салгандын эзүүсү токтоду, кысымы токтоду!+
5 Жахаба ыймансыздардын союлун, башкаруучулардын таягын сындырды+,
6 каары менен элдерге сокку үстүнөн сокку урганды+, элдерди аёосуз куугунтуктап, жаалы менен баш ийдиргенди жок кылды+.
7 Бүт жер эс алып+, тынчтыкка бөлөндү. Эл шаттанып, кубанычтуу үн салып жатат+.
8 Сенин абалыңды көргөн арчалар+ менен Лебанон бал карагайлары: „Сен кулагандан бери бизди кыйганы+ эч ким келбей калды“,— деп кубанып жатышат.
9 Сени тосуп алыш үчүн түпкүрдөгү көр*+ да кыймылга келди. Ал күчсүз өлүктөрдү+, жер жүзүнүн зулум жол башчыларын*+ сен үчүн ойготту, элдердин бардык падышаларын тактысынан тургузду+.
10 Алардын баары сага: „Сен да биз сыяктуу алсыз болуп калдыңбы?+ Бизге окшоп калдыңбы?+
11 Сенин текебердигиң менен кыл аспаптарыңдын үнү көргө* түштү+. Мителер астыңа төшөнчү, курттар үстүңө жамынчы болду“+,— деп жатышат.
12 Жаркыраган жылдыз, таңдын уулу, сен асмандан куладың!+ Элдерди кууратчу элең+, эми кыйылып, жерде жатасың!+
13 Сен ичиңен: „Асманга чыгам+, тактымды+ Кудайдын жылдыздарынан жогору коём+, жыйын тоосунда+, түндүктүн алыскы жерлеринде отурам+.
14 Булуттардын үстүнө чыгам+, Эң Жогорку Кудайдай болом“,— дечүсүң+.
15 Бирок көргө*, аңдын түбүнө+ түшөсүң+.
16 Сени көргөндөр тигиле карап: „Жерди титиретип, падышалыктарды солкулдаткан киши ушул беле?+
17 Жерди чөлгө айлантып, анын шаарларын талкалап+, туткундарын+ үйүнө коё бербеген киши ушул беле?“ — дешет.
18 Элдердин бардык падышалары даңкка бөлөнүп, ар бири өз күмбөзүндө жатат+.
19 Сен болсо көмүлбөй+, керексиз чырпыктай ыргытылдың. Кылычтан сулагандардын, таштуу чуңкурдагы+ өлүктөрдүн алдында калдың, тебеленген өлүктөй болуп калдың+.
20 Сен көрүстөндө падышалар менен жатпайсың, анткени өз жериңди кыйраттың, өз элиңди кырдың. Кыянаттык кылгандардын тукуму түбөлүк эскерилбейт+.
21 Аталарынын күнөөсү үчүн балдарын өлтүрүүгө жай даярдагыла+. Алар ордунан туруп, жерди ээлеп алышпасын, жердин бетин шаарга толтуруп жиберишпесин»+.
22 «Мен аларга каршы чыгам»+,— дейт асман аскерлеринин Кудайы Жахаба.
«Бабылдын ысмын өчүрөм+, элинин калдыгын, урук-тукумун, урпактарын жок кылам»+,— дейт Жахаба.
23 Асман аскерлеринин Кудайы Жахаба: «Аны чүткөрлөрдүн* жайына, камыштуу көлмөлөргө айлантам, кыйратуучу шыпыргы менен шыпырып салам»,— дейт+.
24 Асман аскерлеринин Кудайы Жахаба мындай деп ант берет+: «Мен кандай ойлосом, ошондой болот. Эмнени чечсем, ошол аткарылат+.
25 Мен Ашурду өз жеримде талкалайм+, өз тоолорумда тебелейм+, ошондо анын моюнтуругу элимдин мойнунан алынат, жүгү алардын ийнинен түшөт»+.
26 Бүт жер жүзүнө чыгарылган чечим ушундай, бардык элдерге каршы сунулган кол — ушул.
27 Асман аскерлеринин Кудайы Жахаба чечим чыгарды+, аны ким жокко чыгара алат?+ Ал колун сунду, аны ким артка тарта алат?+
28 Ахаз падыша өлгөн жылы+ мындай өкүм жарыяланды:
29 «Оо, Пелишти+, сени кыйраткандын таягы сынганына+ кубанба+, эч кимиңер сүйүнбөгүлө. Анткени жыландын тамырынан+ уулуу жылан чыгат+, анын жемиши учуучу оттуу жылан болот+.
30 Бей-бечаралардын тун балдары тоюшат, жакырлар коопсуз жатышат+. Ал эми сенин тамырыңды ачарчылык менен кырам, калдыгы өлтүрүлөт+.
31 Боздо, дарбаза! Кыйкыр, шаар! Пелишти, бүт элиңдин кайраты качат! Анткени түндүктөн түтүн каптап, душманыңдын аскерлеринин бири да артта калбай келатат»+.
32 Элдердин кабарчыларына+ эмне деп жооп беришет? Жахабанын Сиондун пайдубалын салганын+, ал жерден элинин арасындагы бей-бечаралардын баш маана табарын айтышат.
Шилтемелер
^ Сөзмө-сөз: «текелерин».
^ Евр. шеол. Кара: 8-тирк.
^ Евр. шеол. Кара: 8-тирк.
^ Евр. шеол. Кара: 8-тирк.
^ Кемирүүчүлөр түркүмүнө кирген, жонунда ийнелери бар жаныбарлар.
