Марк 7:1—37
7 Иерусалимден келген фарисейлер менен айрым китепчилер Исанын жанына чогулушту+.
2 Алар анын кээ бир шакирттеринин тазаланбай, башкача айтканда, колдорун жуубай тамак жеп жатканын көрүштү+.
3 Жүйүттөрдүн баары, алардын ичинде фарисейлер да ата-бабаларынын салтына бекем карманып, колдорун чыканакка чейин жуумайынча тамак жешпейт.
4 Базардан келгенде да денесине суу чачып тазаланмайын тамак жешпейт. Алар башка көптөгөн салттарга да+, мисалы, чөйчөктөрдү, кумураларды жана жез идиштерди сууга малуу салттарына бекем карманышат+.
5 Ошондуктан ал фарисейлер менен китепчилер Исадан: «Эмнеге шакирттериң ата-бабаларыбыздын салтын бузуп, колдорун жуубай тамак жешет?» — деп сурашты+.
6 Ал: «Эки жүздүүлөр, Ышая силер жөнүндө+: „Бул эл мени оозу менен урматтайт, жүрөктөрү болсо менден алыс+.
7 Алар мага куру бекер сыйынып жатышат, анткени адамдардын осуяттарын Кудайдын окууларындай кылып үйрөтүшөт“+,— деп туура пайгамбарлык кылган.
8 Силер Кудайдын осуятын четке кагып, адамдар чыгарган салттарга бекем карманасыңар»,— деди+.
9 Анан Иса мындай деди: «Силер өзүңөрдүн салтыңарды сакташ үчүн, Кудайдын осуятын четке какканга машсыңар+.
10 Мисалы, Муса пайгамбар: „Ата-энеңди сыйла“+; „Атасына же энесине тил тийгизген адам өлүм жазасына тартылсын“,— деп айткан+.
11 Силер болсо мындай дейсиңер: „Ким атасына же энесине: “Сизге жардам катары бере турган нерселеримдин баары — курман+ (башкача айтканда, Кудайга арналган тартуу+)”,— деп айтса...“
12 Муну менен анын өз атасына же энесине жакшылык кылышына тоскоолдук кылуудасыңар+.
13 Ошентип, муундан муунга өтүп келаткан салтыңар менен Кудайдын сөзүнүн баркын кетирип жатасыңар+. Силер ушу сыяктуу көп нерселерди+ кыласыңар».
14 Анан Иса кайрадан элди чакырып: «Баарыңар уккула да, сөздөрүмдүн маанисин түшүнгүлө+.
15 Адамды ичине кирген эч нерсе арам кылбайт, ичинен чыккан нерсе арам кылат»,— деди+.
16 * ——
17 Иса элдин жанынан кетип, үйгө киргенде, шакирттери андан айткан мисалынын маанисин сурай башташты+.
18 Ал: «Силер да тигилерге окшоп түшүнбөй жатасыңарбы?+ Адамды ичине кирген эч нерсе арам кылбай турганын билбейсиңерби?
19 Анткени ичке кирген нерсе жүрөккө эмес, ашказанга барып, анан тышка чыгат»,— деп айтты+. Ошентип, ал бардык тамактын таза экенин көрсөттү+.
20 Анан мындай деди: «Адамды ичинен чыккан нерсе арам кылат+.
21 Себеби ичтен, адамдын жүрөгүнөн+, жаман ойлор чыгат. Ал эми алар бузуктукка+, уурулукка, киши өлтүрүүгө+,
22 ойноштукка, ач көздүккө+, жаман иштерге, алдамчылыкка, уятсыз жүрүм-турумга*+, көрө албастыкка, акарат кылуучулукка, бой көтөрүүчүлүккө, акылсыздыкка алып барат.
23 Ушул жаман нерселердин баары адамдын ичинен чыгат да, аны арам кылат»+.
24 Иса ал жактан чыгып, Тир жана Сидон+ аймактарына келип, бир үйгө кирди. Ал өзүнүн келгенин эч кимдин билишин каалаган жок, бирок баары бир билинип калды+.
25 Кичинекей кызынын ичине жин кирип алган бир аял Иса жөнүндө угары менен, ага келип, бутуна жыгылды+.
26 Сириядагы Финикиядан келген ал грек аял Исадан кызынын ичиндеги жинди кууп чыгарышын өтүнө баштады+.
27 Бирок Иса: «Адегенде балдар тойсун. Анткени балдардан нанды алып+, күчүктөргө берген жакшы эмес»,— деп айтты+.
28 Буга аял: «Ооба, мырзам. Бирок күчүктөр деле үстөлдүн астына кичинекей балдар түшүргөн+ күкүмдөрдү+ жейт эмеспи»,— деди.
29 Ошондо Иса: «Ушундай дегениң үчүн үйүңө бара бер: жин кызыңдын ичинен чыгып кетти»,— деп айтты+.
30 Ал үйүнө барып, кызынын төшөктө жатканын көрдү+; анын ичиндеги жин чыгып кеткен экен.
31 Тир аймагынан кайтып келгенден кийин Иса Сидонду аралап өтүп, Декаполис аймагы аркылуу Галилея деңизине келди+.
32 Ага жакшы сүйлөй албаган бир дүлөй кишини алып келип, үстүнө колун коюшун суранышты+.
33 Иса аны элден четке алып чыгып, манжаларын анын кулактарына салды да, түкүргөндөн кийин тилине тийгизди+.
34 Андан кийин асманды карап+, терең дем алды да+: «Эфата»,— деди. Бул сөз «ачыл» дегенди билдирет.
35 Ошондо тиги кишинин кулагы ачылып+, тили чечилип, так сүйлөй баштады.
36 Иса ал жердегилерге бул тууралуу эч кимге айтпоону буйруду+. Бирок ал канчалык көп тыюу салса, алар ошончолук көп айта беришти+.
37 Бардыгы аябай таң калып+: «Ал бүт баарын жакшы кылат экен. Атүгүл дүлөйлөрдүн кулагын ачып, дудуктарды сүйлөтүп жатат»,— деп жатышты+.
