Забур 76:1—12
Башчыга. Кыл аспаптар үчүн. Асаптын забуру+. Ыр.
76 Кудай Жүйүт жеринде белгилүү+,Анын ысмы Ысрайылда улуу+.
2 Анын турагы Салимде+,Жашаган жери Сиондо+.
3 Кудай ал жерден оттуу жебелерди+,Калканды, кылычты, согуш куралдарын талкалады+. (Села)
4 Сен жарыкка чулгангансың, жырткычтарга толгон тоолордон улуусуң+.
5 Эр жүрөктөр таланып-тонолду+,Катуу уйкуга кетишти+,Тайманбас эркектердин туруштук берүүгө күчү калган жок+.
6 Оо, Жакыптын Кудайы, сен ашкерелегенде, арабачы да, ат да терең уйкуга кетти+.
7 Сен коркуу сезимин туудурасың+.Катуу каарданганыңда, алдыңда ким туруштук бере алат?+
8 Асмандан өкүмүңдү угуздуң+,Жер коркуп, үн катпай калды+.
9 Анткени Кудай сот жүргүзүү үчүн+,Жер жүзүндөгү мүнөзү жумшактардын баарын куткаруу үчүн ордунан турду+. (Села)
10 Адамдын каары сага даңк алып келет+,Сен анын калган каарын курчанасың.
11 Жахаба Кудайдын тегерегиндегилердин баары, ага убада берип, убадаңарды аткаргыла+.Коркуу менен белек алып келгиле+.
12 Ал жол башчыларды момун кылат+,Жер жүзүнүн падышаларын сестентет+.
