Забур 57:1—11
Башчыга. «Мени жок кылба». Дөөтүнүн забуру. Миктам. Шабулдан качып, үңкүргө жашынганда+.
57 Ырайым кыл мага, оо, Кудай, ырайым кыл+.Анткени жаным сенден баш маана тапты+,Кыйынчылыктар артта калганга чейин сенин канатыңа корголоюн+.
2 Мен Эң Жогорку Кудайга, мени алардан арылта турган чыныгы Кудайга кайрылам+.
3 Ал асмандан жардам жиберип, мени куткарат+,Мага тишин салганды маң кылат+. (Села)Кудай мээримдүүлүгүн көрсөтөт, чындыгын жиберет+.
4 Жаным арстандардын арасында+.Мен башкаларды жеп-жуткан адамдардын арасында жатам.Алардын тиштери — найза менен жебе+,Тилдери — курч кылыч+.
5 Оо, Кудай, даражаң асмандан да жогору көтөрүлсүн+,Даңкың бүт жер үстүндө болсун+.
6 Алар менин бутума тор жайышты+,Жаным кыйналды+.Алдыма ор казышты,Бирок ага өздөрү түштү+. (Села)
7 Оо, Кудай, жүрөгүм бекем+,Жүрөгүм бекем.Сени даңктап ырдайм, обон салам+.
8 Ойгон, жүрөгүм*+,Ойгон, кыл аспап, сен да ойгон, арфа+.Мен таңды ойготом.
9 Оо, Жахаба, сени элдердин арасында даңазалайм+,Улуттардын арасында даңктап ырдайм+.
10 Анткени сенин мээримдүүлүгүң улуу, асманга жетет+,Чындыгың көккө жетет+.
11 Оо, Кудай, даражаң асмандан да жогору көтөрүлсүн+,Даңкың бүт жер үстүндө болсун.
Шилтемелер
^ Сөзмө-сөз: «даңкым».
