Башталыш 11:1—32
11 Жер жүзүндөгү бүт адамдар* бир тилде сүйлөп, бирдей сөздөрдү колдонушчу.
2 Алар чыгышты көздөй жылып отуруп, Шынар жеринен+ бир түздүк таап, ошол жерге отурукташышты.
3 Анан бири-бирине: «Келгиле, кыш куюп, отко бышыралы»,— дешти. Ошентип, таш ордуна кыш, ылайдын ордуна чайыр* колдоно башташты+.
4 Алар бири-бирине: «Келгиле, бүт жер жүзүнө тарап кетпешибиз үчүн+, өзүбүзгө шаар менен асман тиреген мунара куралы да+, атыбызды чыгаралы+»,— дешти.
5 Жахаба адамдар куруп жаткан шаар менен мунарага көңүл бурду*+.
6 Анан Жахаба: «Булар бир эл болуп, баары бир тилде сүйлөгөндүктөн+, ушуну кылып жатышат. Эми эмнени ойлошсо, ошону сөзсүз кылышат+.
7 Андыктан бири-биринин тилин түшүнбөй калышы үчүн+, булардын тилин аралаштырып+ салалы»+,— деди.
8 Ошентип, Жахаба аларды бүт жер жүзүнө таратып жиберди+. Ошол себептен алар шаар курууну токтотушту+.
9 Ушундан улам ал шаар Бабыл*+ деп аталып калды. Анткени Жахаба ошол жерде бүт жер жүзүндөгүлөр сүйлөгөн тилди аралаштырды, анан Жахаба аларды бүт жер бетине таратып жиберди+.
10 Шемдин+ жашоосу жөнүндөгү билдирүү.
Топон суудан эки жыл өткөндөн кийин Арпакшат+ төрөлгөндө, Шем 100 жашта эле.
11 Арпакшат төрөлгөндөн кийин, Шем 500 жыл жашаган. Ошол мезгил аралыгында анын дагы башка уул-кыздары төрөлгөн+.
12 Арпакшат 35 жашка чыкканда Шелах деген уулдуу болгон+.
13 Шелах төрөлгөндөн кийин, Арпакшат 403 жыл жашаган. Ошол мезгил аралыгында анын дагы башка уул-кыздары төрөлгөн.
14 Шелах 30 жашка чыкканда Эбер деген уулдуу болгон+.
15 Эбер төрөлгөндөн кийин, Шелах 403 жыл жашаган. Ошол мезгил аралыгында анын дагы башка уул-кыздары төрөлгөн.
16 Эбер 34 жашка чыкканда Пелек деген уулдуу болгон+.
17 Пелек төрөлгөндөн кийин, Эбер 430 жыл жашаган. Ошол мезгил аралыгында анын дагы башка уул-кыздары төрөлгөн.
18 Пелек 30 жашка чыкканда Реу деген уулдуу болгон+.
19 Реу төрөлгөндөн кийин, Пелек 209 жыл жашаган. Ошол мезгил аралыгында анын дагы башка уул-кыздары төрөлгөн.
20 Реу 32 жашка чыкканда Серук деген уулдуу болгон+.
21 Серук төрөлгөндөн кийин, Реу 207 жыл жашаган. Ошол мезгил аралыгында анын дагы башка уул-кыздары төрөлгөн.
22 Серук 30 жашка чыкканда Нахор деген уулдуу болгон+.
23 Нахор төрөлгөндөн кийин, Серук 200 жыл жашаган. Ошол мезгил аралыгында анын дагы башка уул-кыздары төрөлгөн.
24 Нахор 29 жашка чыкканда Терах деген уулдуу болгон+.
25 Терах төрөлгөндөн кийин, Нахор 119 жыл жашаган. Ошол мезгил аралыгында анын дагы башка уул-кыздары төрөлгөн.
26 Терах 70 жашка чыккандан кийин, андан Ыбрам+, Нахор+, Харан төрөлгөн.
27 Терахтын жашоосу жөнүндөгү билдирүү.
Терахтан Ыбрам, Нахор, Харан төрөлгөн. Харандан Лот+ төрөлгөн.
28 Харан, атасы Терах тирүү кезде эле, өзү туулган жерде, Каздимдеги+ Урда+, көз жумган.
29 Кийинчерээк Ыбрам да, Нахор да үйлөнгөн. Ыбрамдын аялынын аты Сара+, Нахордун аялыныкы Милка+ эле. Ал Харандын кызы болчу. Харан Милка менен Исканын атасы болгон.
30 Сара төрөбөс болгондуктан+, балдары жок эле.
31 Терах уулу Ыбрамды, Харандын баласы, небереси Лотту+ жана Ыбрамдын аялы, келини Сараны+ алып, Каздимдеги Урдан чыкты. Алар аны менен чогуу Канаан жерин+ көздөй жөнөштү. Бир нече убактан кийин Харанга+ барып, ошол жерге отурукташышты.
32 Терах 205 жашка чыгып, Харанда көз жумду.
Шилтемелер
^ Сөзмө-сөз: «жер».
^ Же: «асфальт, битум»; табигый асфальтты билдирет.
^ Сөзмө-сөз: «шаар менен мунараны көргөнү түштү».
^ Мааниси: «аралашуу».
