Исанын алгачкы жолдоочулары Падышалык жөнүндөгү жакшы кабарды жердин учу-кыйырына чейин таратышкан. Иса шакирттерине багыт берип, каякта кабар айтышы керектигин көрсөтүп турган. Аларды башка тилдерде да кабар айтканга керемет жолу менен жөндөмдүү кылган. Жахаба аларды кайраттуу кылып, катуу куугунтукка чыдаганга күч берген.

Иса элчи Жаканга аян аркылуу Жахабанын даңкын көрсөткөн. Дагы бир аянда Жакан асмандагы Падышалыктын Шайтанды жеңип, анын бийлигин жок кылганын көргөн. Ага Исанын 144 000 кошо башкаруучусу менен чогуу падышалык кылып жатканы көрсөтүлгөн. Ал жер жүзү бейишке айланып, бүт адамдардын Жахабага тынчтыкта, биримдикте сыйынып жатканын да көргөн.