Vioka ngonde zole vava Aneyisaele basauka Mbu Ambwaki, balwaka vana Mongo a Sinai. Yave wakanga e kangu ye Aneyisaele kimana bakituka se nkangu andi wakivuila. Wabataninanga yo kubavana yawonso bavuanga o mfunu. Wabavananga madia mayikilwanga vo mana, mvuatu mina ke miatiazukanga ko ye fulu yambote ya zingila. Avo u se, sadisa wan’aku babakula e kuma Yave kavanina Aneyisaele o Nsiku. Wasikidisa mpe vo bakala ye saba ye anganga. Songa o mfunu wa lungisanga nsilu mieto, kala alembami yo sikila ye kwikizi muna Yave.