LONGI 14
Kintinu Kisinga Yala e Nza Yawonso
Nga ozeye kana nkia Kintinu kiaki?— Elo, i Kintinu kia Nzambi, eki kisinga kitula o ntoto se paradiso. Nga ozolele zaya diaka makaka mu kuma kia Kintinu kiaki?—
Konso kintinu kina yo ntinu. O ntinu yandi oyalanga wantu a nsi andi. Nga ozeye kana nani i Ntinu muna Kintinu kia Nzambi?— Yesu Kristu. Kuna zulu kezingilanga. Ke kolo ko oyala wantu awonso ova ntoto. Nga obenze vo kiese tukala kiau vava Yesu keyala e nza yawonso?—
Nkia diambu ovingilanga muna paradiso?
Kiese kikilu tukala kiau. Muna paradiso, wantu ke benwana diaka ko yovo kwenda mu vita. Wantu awonso bezolaziana. Mayela yo lufwa ke lukala diaka ko. E mpofo bemona, e fwa matu bewa, e makoka bezaula. Wantu awonso bekala ye madia mayingi. E bulu ikituka se akundi, yeto mpe tukituka akundi au. O wantu ana bafwa besinga zinga diaka. Wantu ayingi tulongokele mu finkanda fiafi nze Rebeka, Rakabi, Davidi yo Eleya besinga zinga diaka. Nga oyangalala kubamona?—
Yave okuzolanga ye ozolele vo wakala ye kiese. Avo okwamanene longoka mambu ma Yave yo kunlemvokela, osinga zinga yakwele mvu muna paradiso yambote. Nga ke diau ko ozolele?—
TANGA MUNA BIBILA KIAKU
Nanga Oyangalela Mpe Malongi Mama
TUSANSU TWA NKAND’A NZAMBI
Tusansu twa Nkand’a Nzambi—Mvovo mia Lubantiku
Tanga tusansu twakieleka tubongelo muna nkanda usundidi o mfunu, i sia vo, Bibila, uvovelanga lusansu lwa nsema.
EYINGIDILU DIA NKANGU
Nzambi Olenda Mona Ntantu—Aweyi Tulenda Kunyangidikila?
Nga ozeye wo vo olenda yangidika yovo kendeleka Yave? Zaya una mavangu ma Adami yo Eva makendelekela Yave.
