Mu kuma kia bomba zina esi Irão bafididi muna nonga e nsi a Israel kina kia Sabala kia 13 kia Abidi, 2024, António Guterres wa nsoneki a buka kia Nações Unidas wavovele vo: “E yayi i ntangwa ya yambula sadila e nkele yo nuana e vita. E yayi i ntangwa yayambula emvimba o nuana e vita.”

 E vita kuna ndambu ya Oriente Médio isonganga vo valenda bwa e vita omu nza yawonso.

 E nza yawonso yakota mu lumengo lwasaka tuka muna vita Yanzole ya nza mvimba ye bilhões za wantu ye ulolo wa wantu bemonanga e mpasi. Mvovo mia Conselho de Segurança das Nações Unidas, kia 26 kia Yanuali, 2023.

 E zunga yina muna vonza ya vita i Isaele, Gaza, Síria, Azerbaijão, Ucrânia, Sudão, Etiópia, Níger, Mianmar ye Haiti. a

 Nkia ntangwa e vita zifokoka? Nga ayadi a nza balenda twasa luvuvamu? Adieyi Bibila kivovanga?

 E vita zina sayana mu nza yawonso, i ziku kinasonga vo ke kolo ko e vita zawonso se zifokoka. E vita zazi zilungisanga o ungunza wa Bibila mu kuma kia lumbu yeto. E Bibila kivovanga vo mfoko a “mbaninu a tandu.”—Matai 24:3.

•   “Nuwá vita ye nsangu za vita. . . . zula kitelamena zula, kintinu kitelamena kintinu.”—Matai 24:6, 7.

 Tanga e longi dina yo ntu a diambu “O que é o sinal dos “últimos dias” ou “fim dos tempos”?” muna mona una ungunza wa Bibila ulunganenanga o unu.

 E Bibila kivovanga vo o lumengo o mu nza lufokoka. Aweyi ediadi divangamena? Ke mu ngolo za wantu ko, kansi muna vita ya Armangedo, “vit’a lumbu kianene kia Nzambi a Mpungu-ngolo.” (Lusengomono 16:14, 16) E vita yayi iziula e nzila kimana o Nzambi kalungisa o nsilu wavana o wantu e zingi kia kiese ye kia luvuvamu.—Nkunga 37:10, 11, 29.

 Muna zaya diaka mayingi mu kuma kia una o Nzambi kefokolwela e vita, tanga e longi dina yo ntu a diambu “Nki i Vita ya Armangedo?”