Tuka muna ngonde a Yanuali ya mvu wa 2018, muna finkanda, Zingu ye Salu Kieto kia Kikristu—Nkand’a Malongi mwayantika siwa e kunku, mpila ya yantikila e moko vana lukaya lwantete. Aweyi tulenda kio sadila?

Vava Ovewanga Kiyekwa kia Nlongoki: Ofwete sadila kiuvu, sono ye kiuvu osisa kina muna kunku mpila ya yantikila e moko. Kansi ediadi ke disongele ko vo ofwete landa mawonso mena muna video ina muna kunku mpila yayantikila e moko. Olenda sadila mambu maswaswana nze, nkotelo a moko ye mankaka. Olenda mpe kaya umosi muna nkanda mina muna Salanganu Yeto ya Longela, kana nkutu vo e kiyekwa kiaku ke kilombele wo ko.

Vava Okalanga Muna Salu kia Umbangi: E kunku mpila ya Yantikila e moko kiakubikwa muna kuvana kaka e ngindu. Avo o muntu osongele o luzolo lwambote ye ozolele zaya mayingi, olenda kwamanana e moko muna sadila e nsongesela ya vutuka kingula o muntu. Olenda soba e maka mambu mena muna kunku mpila ya yantikila e moko yovo sadila mambu mankaka maswaswana. E diambu diavovelwa mu ngonde yaviokele yovo sono kiankaka kiaswaswana, nga kilenda simba e ntima mia wantu muna zunga kieto? Nga muna zunga kiaku, o wantu betoma yangalelanga muna diambu divangamene yovo muna nsangu zampa? Olenda sadila e kunku mpila ya yantikila e moko mu mpila yaswaswana, kansi e kani ofwete kala diau i ‘vanga mawonso mu kuma kia nsangu zambote, yo samuna zo kw’akaka.’—1 Kor. 9:22, 23