Bibila kikutuvovesanga vo twazitisanga ambuta nze ngudi ye mase meto, e matoko ye ndumba nze mpangi ye nsanga zeto. (Tanga 1 Timoteo 5:1, 2.) Musungula e mpangi zamakala, bafwete toma zitisanga ampangi zamakento.

Mpangi ayakala kafwete sikamesa nzola muna mpangi ankento ko lembi kala ye kani dia sompana yandi ngatu vanga diambu dilenda kunkendeleka. (Yobi 31:1) O mpangi ayakala una vo mpumpa kafwete keba muna lembi sikamesa e nzola kwa mpangi ankento yo kumfila mu yindula vo nanga zola kekunzolanga.

Akuluntu bafwete sianga e sungididi kwa mpangi zamakento ana bevavanga zaya diambu yovo lomba lusadisu muna diambu diasikididi divava vo diasilwa e sungididi. Akuluntu bafwete mpe sianga e sungididi kwa mpangi zamakento ana ke bena ye akazi ko balenda kubatanina.—Rute 2:8, 9.

TALA E VIDEO, SONGANGA O ZOLA KULEMBI SUKA MUNA NKUTAKANI—KWA AKENTO ANSONA YO WANA BAFWILWA MASE. I BOSI, VANA E MVUTU ZA YUVU ILENDE:

• Aweyi e nkutakani yasongela o zola kulembi suka kwa mpangi Su Su?

• O zola basonga ampangi muna nkutakani nkia nluta kwatwasa muna vata diadina?

• O zola basonga ampangi aweyi kwavanga kwa wan’a mpangi Su Su?

Nkia mambu olenda vanga muna songa o zola kwa mpangi zamakento a nkutakani aku?