ZINGU KIA KIKRISTU
Una Tulenda Sonekena Nkanda
-
Yika e fulu ozingilanga. Avo omwene vo ke diambote ko muna yika e fulu ozingilanga, olenda yika e fulu kina e Seka dia Kintinu avo akuluntu bavene o nswa wa vanga wo. Kansi, KUFWETE zayisa ko kuna kwina e Betele.
-
Soneka e nkumbu a muntu avo ozeye yo. Ediadi disadisa o wantu balembi yindula vo lekwa tutekanga.
-
Sia e sungididi muna landa e mpila isonekenuanga ye sinsu isadilwanga. O nkanda ufwete kala watoma kiá. Avo mu moko osonekene wo, ufwete kala wasazu muna wo tanga. E mvovo osadila mifwete kala mia luzitu.
O nkanda uyikilu ova yanda usonganga una tulenda wo vangila. Ediadi ke disongele ko vo tufwete landa mvovo mu mvovo konso ntangwa tusonekena nkanda kwa muntu muna zunga kieto. Soneka o nkanda mun’owu wa nsatu za muntu, mun’owu wa zunga ye fu ya kisi nsi.
[Nkumbu aku]
[Bala-bala ozingilanga]
[Mbanza, zunga, caixa postal]
[E-mail aku]
[Lumbu/ngonde/mvu]
Kwa wame nzolwa [Yika e nkumbu a muntu]:
Mono yo nkaz’ame tu mfinangani zaku. Ke tulendanga mokena yaku mantalani ko, kansi tuna ye nsangu zambote tuzolele kuzayisa. Zankaka muna nsangu zazi zina muna tratado.
Ke tulombanga nzimbu ko muna salu tusalanga, e salu kiaki kisalwanga mu vioka nsi 200. Tusadisanga wantu basolola e mvutu za Nkand’a Nzambi muna yuvu yayi yamfunu nze: Ekuma Nzambi keyambulwilanga e mpasi? Adieyi i kani dia Nzambi mu kuma kia ntoto? Aweyi tulenda kadila ye zingu kia nzo kiakiese?
Tukuyivananga mu salu kiaki kadi tutoma zolanga mfinangani zeto. Tuna ye vuvu vo ke kolo ko tumonana yo mokena yaku. Dodokolo vanga luzolo lwa sadila e nzila ziyikilu ova ntandu muna kutuzayisa konso diambu yovo sadila e nzila ya Mbangi za Yave muna internete, www.jw.org.
Kwa waku nzolwa,
[Soneka e nkumbu aku]
