Vava otalanga e se ya mvuma, ntetembwa yovo kululuka dia maza, nga omonanga e salu ya moko ma Nzambi? O nsema utuzungidi usengomonanga e fu ya Yave ilembi monekanga. (Roma 1:20) Vava tuyindulanga mana tumonanga, tubakulanga o nkum’a Nzambi, zola, ngangu ye unsongi wandi kumosi yo ntim’andi a mvevo.—Nku 104:24.

Nkia lekwa muna nsem’a Yave omonanga konso lumbu? Kana nkutu vo mu mbanza ozingilanga, olenda mona nuni ye nti. O toma tala o nsem’a Yave, dilenda kulula ntelamw’o moyo yo kutusadisa mu sia e sungididi muna mambu masundidi o mfunu yo wokesa o lukwikilu lweto muna nkum’a Yave wa kutulunga-lunga yakwele mvu. (Mat 6:25-32) Avo wana una yau, ubasadisa babakula e fu ya Yave ilembi tezakana. Ekolo tuwokesa o luyangalalu lweto muna nsema utuzungidi, tutoma finama Yave wa Mvangi eto.—Nku 8:3, 4.

TALA E VIDEO, O NSEMA USONGANGA NKEMBO A NZAMBI—NTEMO YE SE YA LEKWA, I BOSI NUVANA E MVUTU ZA YUVU ILENDE:

• Nki kikutusadisanga mu mona e se ya lekwa?

• Ekuma e se kiau kimosi kisobelanga landila e fulu twina?

• Ekuma tumwenanga e se yaswaswana kuna zulu?

• Nkia se yambote omonanga vana fulu ozingilanga?

• Ekuma tufwete vaulwilanga e ntangwa mu toma tala o nsema?