Yobi 34:1-37
34 Eleyu okwamanene vova vo:
2 “Nuwá mvovo miame yeno akwa ngangu;Nungwá, yeno nuina yo zayi wayingi.
3 Kadi o kutu kuteza e mambu,Nze una lulaka* luyelekelanga madia.
4 Yambula twafimpa edi diansongi;Twabaka nzengo muna edi diambote.
5 Kadi Yobi ovovele vo: ‘Ndungidi ngina yau,+Kansi Nzambi, kandungisi ko.+
6 Nga mfwete vuna muna tambulwila e ngielele?
E mput’ame ke isasuka ko kana una vo kisumukini ko.’+
7 Nani ofwanane yo Yobi,Ona onuanga luvezo nze maza?
8 Okalanga entwadi ye mimpanga mambi,Ye nkundi a yimpumbulu.+
9 Kadi ovovele vo: ‘Muntu ke baka nluta koAvo ovavidi yangidika Nzambi.’+
10 Muna kuma kiaki, nungwa yeno akwa umbakuzi:*
O Nzambi aludi kalendi vanga umpumbulu ko,+
O Mpungu-ngolo kalendi vanga vilwa ko!+
11 Kadi osenda muntu mun’owu wa mavangu mandi+Yo kuntwasila mfwilu mia nzila zandi.
12 Dialudi, Nzambi kalendi vanga umpumbulu ko;+O Mpungu-ngolo ke bendomona unsongi ko.+
13 Nani uvene e kiyekwa kia ntoto,Yovo nani untumbikidi se nyadi a nza yawonso?
14 Kele vo kasia wantu e sungididi,*Kele vo kakutika mwanda ye fulumwinu kiau,+
15 Wantu awonso* kumosi badi fwila,Wantu badi vutuka muna ntoto.+
16 Ozevo, avo una yo umbakuzi, tamba diambu diadi matu;Toma tamba o matu mu mana ivova.
17 Nga ndiona omenganga unsongi olenda yala?
Nga olenda yelesa muntu ansongi una vo nkwa ngolo?
18 Nga olenda vova kwa ntinu vo: ‘Kuna mfunu ko,’Yovo kwa akwa tunda vo, ‘Nu yimpumbulu’?+
19 Vena ye Ndiona olembi solanga ndose za wantu muna wete dia amfumu
Ngatu luta songa e dienga kwa mvuama ke kwa nsukami ko+Kadi yau awonso salu ya moko mandi.+
20 Balenda fwa kuna kinsalukisa,+ muna dingidingi;+Bezakama kikilu yo fwa;Kana nkutu akwa ngolo bekatulwanga, kansi ke mu moko ma wantu ko.+
21 Kadi o meso ma Nzambi memonanga nzila za muntu,+Ye ntambi zandi zawonso.
22 Ke kuna mpimpa ko ngatu tombe kin’e buKuna kulenda swekamena yimpumbulu.+
23 Kadi Nzambi kasikidisila muntu ntangwa koKimana kakisunzula kwa yandi muna mfundu.
24 Ofwasanga akwa ngolo lembi kala yo mfunu wa vanga lufimpuYo vingisa akaka vana fulu kiau.+
25 Kadi ozeye mavangu mau;+Okubabwisanga muna fuku ye kubakosomona.+
26 Ubatufakese mu kuma kia bi wau,Vana fulu balenda mwenua kw’awonso.+
27 Kadi bayambwidi kunlanda+Ke bevuanga nzila zandi mfunu ko;+
28 Muna kuma kia mavangu mau, e kazu kia nsukami kilweke oku kena,Owidi e kazu kia akondami.+
29 Avo Nzambi obutamene, nani olenda kuntumba?
Avo oswekele ndose andi, nani olenda kunsolola?
Kana nkutu ovangidi wo kwa zula yovo kwa muntu mosi, diau dimosi kwandi,
30 I dianu vo ke yambula ko vo kimpumbulu* kayala+Ngatu kalekela nkangu e ntambu.
31 Nga vena yo muntu ovova kwa Nzambi vo:‘Ntumbilu kana una vo kivangidi mbi ko;+
32 Undonga muna dina ndembele mona;Avo diambi mpangidi, nga kivanga dio diaka ko e’?
33 Nga kafwete kusendela wauna ozolele, ekolo kina vo omengene nzengo zandi?
Ngeye ofwete baka nzengo, ke mono ko.
Unzayisa dina otomene zaya.
34 Akwa umbakuzi* bekumpovesa,—Konso nkwa ngangu okungwa—
35 ‘Yobi ovovanga kondwa zayi,+E mvovo miandi miakondwa ngangu.’
36 Yambula Yobi katontwa* yakuna nsukaKadi mvutu zandi zina nze mvutu za yimpumbulu!
37 Okudikidi ukolami muna sumu diandi;+Osikidi makonzo vava tuna kuna luvezoOwokese mvovo mia makasi muna Nzambi aludi!”+
Mvovo vana yand'a lukaya
^ Yovo “lubini.”
^ Mvovo wa sina: “ntima.”
^ Mvovo wa sina: “ntim’andi kwa wantu.”
^ Mvovo wa sina: “Nitu zawonso.”
^ Yovo “mvengomoki.”
^ Mvovo wa sina: “ntima.”
^ Nanga, “E tata, yambula Yobi katontwa.”
