Yesaya 48:1-22
48 Nuwá e diambu edi, e nzo a Yakobo,Oyeno nukukiyikilanga muna nkumbu a Isaele+Nutukidi muna maza ma* Yuda,Oyeno nudianga e ndofi muna nkumbu a Yave+Yo vovela e nkumbu a Nzambi a Isaele,Kansi, ke mu ludi ko ngatu mu unsongi.+
2 Kadi bekukiyikilanga vo esi mbanz’avauka+Yo vava lusadisu lwa Nzambi a Isaele,+Ndiona una ye nkumbu vo Yave a vu.
3 “Tuka kolo yanusamunuina o mambu mavangamene kala,*Mu nu’ame matuka,Mono yasamuna mo.+
Vana vau yavanga e diambu, malungana.+
4 Wau yazaya wo vo u nkwa ntim’ambadi—O mwanzi a nsingu aku una nga sengwa, e nkut’aku a lose nga nsongo+—
5 Omono yavovesa tuka kolo.
Vitila mavangama, yasengomwena mo,Kimana walembi vova vo: ‘Teke kiame kivangidi mo;Teke kiame kiavalwa ye teke kiame kiasengwa* kikanikini mo.’
6 Ongeye owidi yo mona mambu mama mawonso.
Nga kuzayisa mo kwa akaka ko e?+
Tuka owau ikuzayisanga mambu mampa,+Mambu maswekama mana kwazaya ko.
7 Wau kaka mayantikidi vangama,* ke tuka kolo ko,Yamu unu kiaki, kusidi wá mambu mama ko,Kimana walembi vova vo: ‘Nzeye mo kala.’
8 Ve, ongeye kwawá mo ko,+ kwazaya mo ko,Muna ntangwa yayina, o matu maku ke makala maziuka ko.
Kadi nzeye wo vo u nyekodi kikilu,+Tuka wawutukila oyikilwanga vo nkolami.+
9 Kansi, isimbinina makasi mame mu kuma kia nkumbu ame;+Ikanga o ntima mu kuma kia nkembo ame,Kikufwasa ko.+
10 Tala! Ikenzele, kansi ke una ukenzelwanga e palata ko.+
Itontele* muna fûlu diampasi.+
11 Mu kuma kia nkumbu ame, elo, mu kuma kia nkumbu ame ivanga diambu,+Ozevo, aweyi yadi yambulwila vo nkumbu ame yasafulwa?+
Kivananga nkembo ame kwa* muntu ankaka ko.
12 Ungwa, e Yakobo ye Isaele, ona mbokele.
Omono kisobanga ko.+ Mono i wantete; mono mpe i wansuka.+
13 O koko kwame i kwakuba e nkubilw’a ntoto,+O koko kwame kwalunene i kwayalumuna e zulu.+
Vava ikubabokelanga, yau awonso bekuyisunzulanga.
14 Nukutakana yeno awonso, nuwá.
Nani vana bena wazayisa mambu mama?
Ndiona o Yave kazolele.+
Oyandi ovanga kwa Babele konso dina kazolele o Nzambi,+O koko kwandi kukwiza nuanisa Akaladi.+
15 Mono kibeni mpovele yo kumbokela.+
Intwese, e nzila andi isikila.+
16 Nufinama ova ngina, nuwá e diambu edi.
Tuka kuna lubantiku kivovelanga kusweki ko.+
I vana yakala vava o mambu mama mavangama.”
Owau, o Mfumu Yave untumini yo* mwand’andi.
17 I wau wuwu kavovele o Yave wa Nkûdi aku, wa Mvauki a Isaele:+
“Omono Yave, mono i Nzambi aku,Ndiona okulonganga muna wete diaku,+Ndiona okufilanga muna nzila ina ofwete diatila.+
18 Avo osidi e sungididi muna nkanikinu miame+Ozevo, o luvuvamu lwaku lukala nze nkoko+O unsongi waku ukala nze mavuku ma kalunga.+
19 O wan’aku bewokela kikilu nga sengeE mbongo aku nga mabwelengenze ma senge.+
E nkumbu au ke ivunzunua nkutu ko ngatu fukiswa ova ntadisi ame.”
20 Nuvaika muna Babele!+
Nutin’a Akaladi!
Nuzayisa dio ye kazu kiakiese! Nusamuna dio!+
Numwanganisa dio yakuna nsuka za nza.+
Oku vo: “Yave okûdidi Yakobo wa selo kiandi.+
21 Ke bamona vuina ko vava kabafila muna makanga.+
Wabavaikisila maza muna tadi;Wawula e tadi yo pongola e maza.”+
22 “Ke vena luvuvamu ko kwa yimpumbulu,”+ u kavovele o Yave.
Mvovo vana yand'a lukaya
^ Nanga, “luvila lwa.”
^ Mvovo wa sina: “mambu mantete.”
^ Yovo “teke kiame kiazunzwa.”
^ Mvovo wa sina: “mayantikidi semwa.”
^ Yovo “Ifimpidi.” Nanga, “Isolele.”
^ Yovo “Kikayananga nkembo ame yo.”
^ Yovo “untumini kumosi yo.”
