Yesaya 19:1-25
19 Nsangu za mfundisa mu kuma kia Engipito:+
Tala! Yave olweke omu Engipito vana ntandu a tuti dikwendanga mu nzaki.
E fwafwala ya nzambi za Engipito izakama vana ntadisi andi,+E ntima mia esi Engipito mizeloka.
2 “Ifila esi Engipito banuana ye akw’au esi Engipito,Benuana muntu yo nkwandi,Konso muntu yo mpangi andi yo mfinangani andi,Mbanza ye mbanza, kintinu ye kintinu.
3 Esi Engipito betungiana,Ivuangalakesa makani mau.+
Bekwenda kwa fwafwala ya nzambi,Kwa alemvodi a nioka, kwa nganga za matombola ye kwa nganga za ngombo.+
4 Yekola iyekola Engipito vana koko kwa mfumu una vo nkwa nsita,Ntinu una vo mbangiki okubayala,”+ u kavovele o Mfumu aludi, wa Yave a vu.
5 O maza ma kalunga meyuma,O nkoko uyuma, ke ukala diaka maza ko.+
6 E nkoko mitá e nsudi;E nsuku mia Nile ya Engipito milala yo yuma.
O matutu yo mawu mewola.+
7 E nti mina muna nlambu a Nzadi a Nile, vana nu’a Nile, yuma miyuma.
O ntoto wawonso wakunua e mbongo muna nlambu a Nile+ yuma uyuma.+
Yawonso inatwa kwa mupepe, ke ikala diaka ko.
8 Abaki a mbizi za maza mu kifwidi bekala,Awana betubanga luvaku muna Nile bekendalala,Awana beyalumunanga makonde muna maza akete kaka bekala.
9 Awana besadilanga e lino yasionua+Ye awana bevanganga nlele mia mpembe nsoni befusulwiswa.
10 Avangi andi a nlele bemweswa e mpasi;Asadi awonso befutwanga bekendalala.*
11 E mfumu za Soane+ mazowa kwau.
Aludiki a Faro ana basundidi e ngangu bavene tuludiku twa uzowa.+
Aweyi nuvovesela Faro vo:
“Omono i mwan’a akwa ngangu,Mwan’a atinu mia nz’ankulu”?
12 Ozevo, o wantu aku akwa ngangu akweyi bena?+
Yambula bazayisa dina Yave a vu kakanini mu kuma kia Engipito avo bazeye dio.
13 E mfumu za Soane dia uzowa kikilu bavangidi;E mfumu za Nofe*+ bavunginikinu;E mfumu za makanda ma Engipito zivukumwini e nsi.
14 Yave obungwidi mwand’a mvuanga muna Engipito;+Mfumu za Engipito bavukumwini e nsi muna mawonso ivanganga,Wauna o nkwa nkolwa kelengomokenanga vana lukilu yandi.
15 Engipito ke ilenda vanga konso diambu ko,Kiakala ntu yovo nkila, ntombo yovo diadia.*
16 Muna lumbu kiakina, esi Engipito bekala nze akento, bezakama yo mona o wonga wau vo koko kwa Yave kubalambukidi mu kubanuanisa.+
17 E nsi a Yuda ikituka se kuma kia mwena wonga kwa Engipito. Vava bewá e nkumbu a Yuda, bemona o wonga mu kuma kia nzengo zina Yave a vu kabakidi mu kuma kiau.+
18 Muna lumbu kiakina, mukala ye mbanza tanu muna nsi ya Engipito zivova e nding’a Kenani,+ zidia e ndofi ya songa kwikizi kwa Yave a vu. Imosi muna mbanza zozo iyikilwa vo Mbanz’a Lubukumuku.
19 Muna lumbu kiakina, vekala ye ziku dia Yave vana kati kwa nsi ya Engipito ye lunzi dia Yave muna mwingilu a nsi.
20 Dikala se sinsu yo umbangi mu kuma kia Yave a vu muna nsi ya Engipito; kadi bekaza kwa Yave mu kuma kia abangiki, okubatwikila mvuluzi anene, ona okubavuluza.
21 Yave ozayakana kwa esi Engipito, esi Engipito bezaya Yave muna lumbu kiakina, bekela yimenga yo vana tukau yo dia e ndofi kwa Yave yo lungisa yo.
22 Yave owanda Engipito,+ owanda yo wuka yo; esi Engipito bevutuka kwa Yave, oyandi ovana e mvutu za ndodokela zau yo kubawuka.
23 Muna lumbu kiakina, vekala ye nzil’ampwena+ ituka muna Engipito yakuna Asuri. I bosi, esi Asuri bekwenda muna Engipito, esi Engipito bekwenda muna Asuri, esi Engipito besadila Nzambi kumosi ye esi Asuri.
24 Muna lumbu kiakina, o Isaele okala se wantatu, kumosi ye Engipito ye Asuri,+ se nsambu ova kati kwa nza,
25 kadi Yave a vu okubasambula, oku vo: “Mbula wasambulwa o nkangu ame, Engipito, ye salu kia moko mame, Asuri, ye vua diame, Isaele.”+
Mvovo vana yand'a lukaya
^ Yovo “bekendalala muna moyo.”
^ Yovo “Memfise.”
^ Nanga, “lundala ye tutu.”
