Yesaya 17:1-14
17 Nsangu za mfundisa mu kuma kia Damaseke:+
“Tala! E Damaseke ke ikala diaka mbanza ko,Ikituka se zumbu.+
2 E mbanza za Arowa+ nkatu zisala;Zikituka se fulu ya bubamena makambiKe vekala muntu ko okubamwesa o wonga.
3 E mbanza zazungwa e yaka vila zivila muna Eferaime,+E yitinu vila ivila muna Damaseke;+O nkembo awana besala muna SuriaUkala nze nkembo a Aneyisaele,”* u kavovele o Yave a vu.
4 “Muna lumbu kiakina, o nkembo a Yakobo ukeveswa,E mpongo za nitu andi zitanda.*
5 Dikala nze vava o nkutiki kekutikanga masa muna mpatuO koko kwandi kukutika e ntu mia masa,Nze vava o muntu kewonzolola e nsadidila za masa muna Ndimb’a Refa.+
6 Nsadidila kaka isala,Nze vava o nti a olive uninginiswanga:
Olive zole yovo zitatu kaka zabwaka zisalanga kuna tayi kia ntandu,Ziya yovo zitanu kaka muna tayi yatoma yima,”+ u kavovele o Yave wa Nzambi a Isaele.
7 Muna lumbu kiakina, o muntu otala kwa Mvangi andi, o meso mandi metala kwa Mvauki a Isaele.
8 Ke tala kuna maziku ko,+ e salu kia moko mandi;+ ke tala ina yavanga e nlembo miandi ko, kiakala mavindi mavauka* yovo maziku ma ndumbu.
9 Muna lumbu kiakina, e mbanza zandi zazungwa e yaka zikituka nze fulu kiabembolwa muna mfinda,+Nze tayi kiabembolwa vana ntadisi a Aneyisaele;Ikituka se makanga.
10 Kadi ongeye ovilakene Nzambi+ a luvuluku lwaku;Kusungamene Tadi+ dia nzo aku angolo ko.
Ekiaki i kuma okuninanga mpatu za nti miambote-mboteYo sia mo tayi kia nzenza.*
11 Muna mwini, otomene zungisa mpatu aku o lûmbu,Muna mene-mene, omenese mbongo aku,Kansi, o nsâlu uvila muna lumbu kia kimbevo ye nlunzi milembi fokoka.+
12 Wá! Mazu ma wantu ayingi mena ko,O mazu mau nga mazu ma mbu!
E zula mu mvuanga ina,E zú diau nga zú dia maza mangolo!
13 E zula ivanga mazu nze zú dia maza mayingi.
Oyandi okubasemba, oyau betina kwandá,Bemwanganeswa muna miongo nga vevele ineto kwa tembwa,Nga nti miayuma mineto* kwa kimbongela.
14 Muna fuku, wonga.
Vitila kuma kwakia, oyau ke bena diaka ko.
Owau i mfutu wa wantu bekutusanzangaYe kunku kia wantu bekutumunanga e lekwa yeto.
Mvovo vana yand'a lukaya
^ Mvovo wa sina: “wan’a Isaele.”
^ Mvovo wa sina: “O mazi ma nsuni andi metanda.”
^ Tala Nsas’a Mvovo.
^ Yovo “nzambi za nzenza.”
^ Yovo “Nga finti fiansende fineto.”
