Osea 6:1-11
6 “Nuiza, twavutuka kwa Yave,Kadi, yandi ututiazuini,+ kansi okutusasula mpe.
Kana una vo utuwende, owuka mputa zeto.
2 Vava kivioka lumbu yole okutuvutula o moyo.
Muna lumbu kiatatu, okututelamesa,Tuzinga diaka vana ndose andi.
3 Tuzaya Yave, tukumvava ye tima diawonso.
E ngiz’andi ya ziku nze mpaikilu a ntangwa;Okutulwakila nze mvula yangolo,Nze mvula a kintombo ina iyondelekanga ntoto.”
4 “Eferaime, adieyi ikuvanga?
E Yuda, adieyi ikuvanga?
Kadi o walakazi waku una nze matuti ma mene-mene,Nze lowa dilalanga mu nzaki.
5 Ikuma ikubawandila muna angunza;+Ikubavondela muna mvovo mia nu’ame.+
E mfundisw’au ikezima nze ntemo.+
6 Kadi walakazi izolanga ke yimenga ko,Yo zayi wa Nzambi ke tukau twangioka ko.+
7 Vo i yau, wau vo mpasi wantu kwau, bakulwidi e kangu.+
Ke bantatididi ko va fulu kiaki.
8 Ngiladi i mbanz’a yimpumbulu,+Izele ye mbungul’a menga.+
9 E buka ki’anganga kina nze buka kia avondi ana bekondelelanga muntu.
Bevondelanga wantu muna nzil’a Sekeme,+Kadi mavangu mau mansoni.
10 Mbwene diambu diangemi muna nzo a Isaele.
Mwamuna Eferaime i katelele e zumba;+
Isaele ukisafwidi.+
11 E nkangu a Yuda, e ntangwa ikubikilu, wauna ukubikilwanga ntangw’a kutika mbongo, kutikwa okutikwa,Vava ivutulwisa nkangu ame una wanatwa muna kinkole.”+
