Nkunga 72:1-20
Nkunga mu kuma kia Solomo.
72 E Nzambi, vana nzengo zaku kwa ntinu,Yo unsongi waku kwa mwan’a ntinu.+
2 Yambula kazenga diambu dia nkangu aku kuna unsongi,Ye diambu dia alembami aku kuna unsongi.+
3 Yambula miongo miatwasa luvuvamu kwa nkangu aku,E kundubulu yatwasa unsongi.
4 Yambula katanina alembami vana vena nkangu,Kavuluza wan’asukamiYo kosomona ona osadilanga umpuki muna kubayiya.+
5 Bekuvumina ekolo e ntangwa ikezimangaEkolo e ngonde ikala,Muna mbandu ye mbandu.+
6 Okala nze mvula inokanga muna titi yazengwa,Nze ulolo wa mvula uyondelekanga ntoto.+
7 Muna lumbu yandi, o nsongi osakumuka,+Luvuvamu luwokela+ yavana e ngonde ke ikala diaka ko.
8 Yala keyala tuka muna kalunga yamu kalungaTuka mu Nzadi,* yakuna nsuka za nza.+
9 Awana bezingilanga muna makanga, bekumfukamena,E mbeni zandi bevenda ntoto.+
10 Atinu a Tasisi ye atinu a sanga, befuta e mpaku.+
E ntinu mia Siba yo Seba mitwasa tukau.+
11 E ntinu miawonso mikumvumbamena,E zula yawonso ikunsadila.
12 Kadi okûla nsukami vava kekaza,Ye mumbona-mpasi ye ndiona okondelo nsadisi.
13 Ofwila mumbona-mpasi e nkenda yo nsukami,Ovuluza mioyo miau.
14 Okubakûla* muna lubangamu ye nsoki,O menga mau, mantalu mekala vana meso mandi.
15 Yambula ntinu kazinga yo vewa wolo wa Seba.+
O nkangu wakwamanana samba muna wete diandi,Yambula kasambulwa e lumbu kiamvimba.
16 Vekala ye ulolo wa masa ova ntoto;+Yamuna nsuka za miongo.
E mbongo a ntinu ivuembeta nze muna Lebanone,+O wantu muna mbanza besakumuka nze titi ya ntoto.+
17 Yambula nkumbu andi yakala yakwele mvu,+Yambula yakala kolo kiawonso nze ntangwa.
O wantu bavuila nsambu muna yandi;+E zula yawonso yanyikila vo nkwa kiese.
18 Yambula Yave wa Nzambi kakembelelwa, wa Nzambi a Isaele,+Yandi kaka ovanganga mambu masivi.+
19 Yambula nkumbu andi yankembo yasanisinua yakwele mvu,+Yambula nkembo andi walungila mu nza yawonso.+
Amen ye Amen.
20 E sambu ya Davidi wa mwan’a Yisai imene.+
