Nkunga 68:1-35
Kuna kwa ntwadisi a nkunga. Nkung’a Davidi. Nkunga.
68 Yambula Nzambi katelama, e mbeni zandi zamwangana,Awana bekumenganga batina oku ndose andi.+
2 Ubavempola nze una tembwa kivempolwelanga mwisi;Wauna uzezelanga sasala kia wiki vana tiya,I una uvidila e yimpumbulu vana ndose a Nzambi.+
3 Vo i ansongi yambula bayangalala;+Baluta yangalala vana ndose a Nzambi;Yambula bayengoloka ye kiese.
4 Nuyimbidila Nzambi; nuyimbidila nkumbu andi.+
Nuyimbidila ndiona okwendelanga muna mvalu muna makanga.*
YA* i nkumbu andi!+ Nuyangalala vana ndose andi!
5 Se dia wan’a nsona,* ntanini* akento bafwilw’akala+I Nzambi muna fulu kiandi kiavauka.+
6 Nzambi ovananga nzo kwa minkondwa nsadisi;+Ovaikisanga abakami yo kubavuamisa.+
Vo i akwa lulendo,* muna nsi ayuma bekala.+
7 E Nzambi, vava ofididi* nkangu aku,+Vava oviokele muna makanga, (Sela)
8 O ntoto uzakamene;+E zulu dinokese mvula* muna kuma kia Nzambi;E mongo a Sinai uzakamene muna kuma kia Nzambi, wa Nzambi a Isaele.+
9 E Nzambi, onokese mvula zayingi;Okumikini nkangu aku wayoya.*
10 Muna saba kiaku bekalanga;+Muna wete waku, odikidi nsukami, e Nzambi.
11 Yave okanikini;Akento ana besamunanga nsangu zambote i vu kiampwena kia makesa.+
12 Atinu ye vu yau ya makesa batinini,+ batinini.
O nkento wasala muna nzo otambwidi kunku muna sanzu.+
13 Kana una vo nualavalala muna maziku ma ndo,*Vekala ye mave ma mayembe mafukwa palata,Ye nsala za wolo wakenzwa.*
14 O Mpungu-ngolo vava kamwanganesa atinu a nsi yayi,*+E mvul’ampembe yanoka muna Salemone.*
15 O mongo a Basani+ i mongo a Nzambi;*E mongo a Basani i mongo wasongoka.
16 E yeno miongo miasongoka, mu nkia kuma nutadilanga ye kimpala,E mongo una kasolele* Nzambi se fulu kiandi?+
Elo, Yave okala ko yakwele mvu.+
17 E makalu ma vita ma Nzambi, yazi ya mafunda, mafunda ye mafunda.+
Yave otukidi kuna mongo a Sinai, okulumukini kuna fulu kiandi kiavauka.+
18 Otombokele kuna zulu;+Onete abakami;Obakidi wantu se tukau,+Elo, kana nkutu akwa lulendo,+ wakala yau, e YA wa Nzambi.
19 Yambula kakembelelwa o Yave onatanga mazitu meto lumbu ke lumbu,+Nzambi aludi i luvuluku lweto. (Sela)
20 O Nzambi aludi i Nzambi okutuvuluzanga;+E Mfumu Yave ovuluzanga muna lufwa.+
21 Elo, Nzambi okosomona ntu mia mbeni zandi,Okosomona valanganza kia ntu wa konso muntu okwamanana* muna mbi.+
22 Yave ovovele vo: “Ikubavutula tuka kuna Basani;+Ikubatombola muna masina ma kalunga,
23 Kimana tambi yaku yadiata menga ma mbeni zaku,+O lubini lwa mbwa zaku lwavenda menga mau.”
24 Bamwene ndiat’a nsundidi aku, e Nzambi,Ndiat’a nsundidi a Nzambi ame, wa Ntinu ame, muna fulu kiavauka.+
25 Ayimbidi bele kuna ntwala, asiki a masikilu ma nsinga babalende;+Vana kati kwau vena ye ndumba besikanga yingoma-ngoma.+
26 Nusanisina Nzambi muna nkutakani;Nukembelela Yave, yeno awonso muna Nto a Isaele.+
27 Kwakuna o Benyamini+ una vo nleke, ubayadidi,Akuluntu a Yuda mpe, ye ndong’au bayengolokele ye kiese,Akuluntu a Zebulune ye akuluntu a Nafetali.
28 Nzambi aku osikidisi vo okumama.
E Nzambi, songa e ngolo zaku, ngeye ovanganga diambu muna wete dieto.+
29 Muna kuma kia tempelo aku kuna Yerusaleme,+E ntinu mikutwasila tukau.+
30 Tumba bulu yansisi ikalanga muna mabu,Kambi dia ngombe za makoko+ ye wan’au,Yavana nkangu mivumbama yo twasa vimpa ya palata.
Kansi omwanganesanga nkangu miyangalelanga vita.
31 E lekwa ya bronze itwaswa* tuka kuna Engipito;+Kuse ozabuka muna tambika tukau kwa Nzambi.
32 E yintinu ya nza, nuyimbidila Nzambi,+Nuyimbidila Yave.
33 Ndiona ozangamene kuna zulu dia zulu diankulu.+
Nuwá! Otatwidi nding’andi, nding’andi yangolo.
34 Nukembelela Nzambi mu kuma kia nkum’andi.+
O nene wandi wina muna Isaele,Ye ngolo zandi zina kuna zulu.*
35 O Nzambi wambubu muna nzo andi* avauka.+
Yandi i Nzambi a IsaeleOvananga ngolo ye nkuma kwa nkangu,+Yambula Nzambi kakembelelwa.
Mvovo vana yand'a lukaya
^ Nanga, “muna matuti.”
^ “YA,” i mpila yankufi ya yikila e nkumbu Yave.
^ Yovo “minkondwa mase.”
^ Mvovo wa sina: “mfundisi.”
^ Yovo “akolami.”
^ Mvovo wa sina: “ovaikidi vana ndose a.”
^ Mvovo wa sina: “dianoka.”
^ Mvovo wa sina: “vua diaku diayoya.”
^ Nanga, “vana vena e mpaka za mameme.”
^ Yovo “wolo wa se kia mbum’a diaki yasangana ye se kia lukaya lwa nkunzu.”
^ Mvovo wa sina: “atinu bena mo.”
^ Yovo “Diakala nze mvul’ampembe yanoka muna Salemone.”
^ Yovo “mongo anene.”
^ Yovo “kazolele.”
^ Yovo “okangalela.”
^ Nanga, “Akunzi bekwiza.”
^ Mvovo wa sina: “matuti.”
^ Mvovo wa sina: “nzo aku.”
