Nkunga 108:1-13
Nkunga. Nkung’a Davidi.
108 E Nzambi, ntim’ame usikidi.
Iyimbila nkunga yo kukembelela ye kiwuntu kiame kiawonso.*+
2 Sikama, e nsambi; ongeye mpe e kokolo.+
Isikamesa nkielelo a kuma.
3 E Yave, ikukembelela vana vena nkangu,Yo kuyimbidila vana vena e zula.
4 Kadi o walakazi waku wayingi, wazanguka nze una wazangukila e zulu,+E ziku kiaku kilweke yamuna matuti.
5 Yambula watundalala kuna ntandu a zulu, e Nzambi;O nkembo aku wakala vana ntandu a nza yawonso.+
6 Yambula azolw’aku bavuluzwa,Utuvuluza muna koko kwaku kwalunene, umpana e mvutu.+
7 Nzambi ovovele muna vauka kwandi vo:*
“Yangalala iyangalala, ikayanesa Sekeme+ se vua,
Teza iteza Ndimb’a Sukote.+
8 E Ngiladi+ yame, o Manase mpe wame,O Eferaime i mpu* a ntu ame;+E Yuda i mvual’a kimfumu kiame.+
9 Moabe i longa diame diakuyisukulwila.+
Muna Edome ituba nsampatu ame.+
Muna Felesetia ibokela mbok’a nsundidi.”+
10 Nani okundata muna mbanza yangolo?
Nani okumfila kuna Edome?+
11 E Nzambi, ka ngeye ko watubembola,E Nzambi eto, ka ngeye ko wayambula kwenda yo makesa meto?+
12 Utusadisa muna mpasi zeto,+Kadi o luvuluzu lwa wantu ke luna mfunu ko.+
13 Muna Nzambi tuvuila nkuma,+Yandi odiatakesa mbeni zeto.+
Mvovo vana yand'a lukaya
^ Mvovo wa sina: “yamuna nkembo ame.”
^ Nanga, “vana fulu kiandi kiavauka.”
^ Mvovo wa sina: “i nzo ame angolo.”
