Nkunga 104:1-35
104 Yambula yakembelela* Yave.+
E Yave wa Nzambi ame, u nene kikilu.+
Ovuete zitu yo nkembo.+
2 Ozungilu kwa ntemo+ nze vunga;Oyalumwini e zulu nze nlele a saba.+
3 Olekese mvuambu za suku diandi diantandu vana ntandu a* maza,+Okitwidi matuti se kalu diandi,+Odiatila muna mave ma tembwa.+
4 Okitulanga e mbasi zandi se mianda,E selo yandi se tiya twambomoni.+
5 Wasikidisa o ntoto muna nkubilwa zandi;+Ke ukatulwa ko vana fulu kiandi* yakwele mvu.+
6 Ofukidi wo maza masina nze mvuatu.+
E miongo mifukilu kwa maza.
7 Muna lusembo lwaku maza matinini;+Muna zú dia miandazi miaku mamwangane.
8 —E miongo mitombokele,+ e ndimba mikulumukini—
Muna fulu ina wasikidisila mio.
9 Osikidisi mwingilu una ke mafwete vioka ko,+Kimana malembi fuka diaka ntoto.
10 Osidi nto za maza muna ndimba;O maza mekukulanga muna miongo.
11 E bulu yawonso ya mfuta i mûna inuinanga;O mabuluku ma mfuta i mûna memanisinanga e vuina.
12 E nuni za zulu zikalanga muna nti mia makumu mandi;Ziyimbidilanga muna tayi yandi.
13 Oyondelekanga miongo tuka muna masuku mandi ma ntandu.+
E nza iyukutilanga muna mbongo a salu yaku.+
14 Omenesenanga twelezi e titiYe nti misadilwanga kwa wantu,+Kimana basolola madia muna ntoto
15 Ye vinyu iyangidikanga o ntim’a muntu,+Yo mazi melengolanga ndose,Ye mbolo ikumikanga ntim’a muntu.+
16 E nti mia Yave miyukwiti,E nsedele mia Lebanone mina kakuna,
17 I mûna e nuni zitungilanga nzialwa.
E nuni ayanga+ e nzo andi ina muna sipelese.
18 E miongo miandá, i miongo mia nkombo za mfuta;+O matadi i tininu dia nkandi.+
19 Wavanga e ngonde muna swaswanesa e nsungi;E ntangwa otomene zaya e ndimuk’andi.+
20 Ongeye otwasanga e tombe, o fuku ubwidi,+Ekolo bulu yawonso ya mfuta ivaikanga.
21 Wan’a nkosi* bekwitilanga e bulu+Yo vavila madia kwa Nzambi.+
22 Avo ntangwa ivaikidi,Baswekamene yo bubama muna nduka miau.
23 O muntu okwendanga muna salu yandi,Osalanga yamuna masika.
24 Ekwe ulolo wa mavangu maku, e Yave!+
Muna ngangu wavangila mawonso.+
O ntoto wazala ye salu yaku.
25 I mûna mwina o kalunga, kwanene yo yalumuka,Muzele ye ma ya moyo yakondwa lutangu, yanene ye yandwelo.+
26 I mûna muviokela e nzaza,Yo Leviatane*+ ona wasema kasakanenanga mo.
27 Yau awonso ngeye bevingilangaWabavana madia muna ntangwa ifwene.+
28 Ina okubavananga, i yau bekutikanga.+
Vava oziulanga o koko, beyukutanga ye lekwa yambote.+
29 Avo oswekele ndose aku, bazakamene.
Avo okatwidi mwand’au, bafwidi yo vutuka muna ntoto.+
30 Avo otumini mwand’aku, basemeno,+Yo vangulula e mpw’a ntoto.
31 O nkembo a Yave uzinga yakwele mvu.
Yave omwena salu yandi e kiese.+
32 Otadidi o ntoto, uzakamene;Osimbidi e miongo, mifutumukini mwisi.+
33 Iyimbidila Yave+ muna zingu kiame kiawonso;Iyimbidila Nzambi ame wau ngina moyo.+
34 Yambula e ngindu zame zanyangidika.*
Imwena e kiese muna Yave.
35 Asumuki vila bevila va ntoto,E yimpumbulu ke ikala diaka ko.+
Yambula yakembelela Yave. Nukembelela YA!*
Mvovo vana yand'a lukaya
^ Yovo “Yambula moyo ame wakembelela.”
^ Mvovo wa sina: “muna.”
^ Yovo “Ke unikunua ko.”
^ Yovo “wan’a nkosi a mika miayingi muna nsingu.”
^ Tala Nsas’a Mvovo.
^ Nanga, “Yambula mana ibadikanga mu kuma kiandi makala ma luyangalalu.”
^ Yovo “Aleluya!” E “YA” i mpila yankufi ya yikila e nkumbu Yave.
