Nkunga 102:1-28
Sambu kia mbangami vava kadimbwidi e vuvu* yo zayisa ntokani zandi vana ndose a Yave.+
102 E Yave, wá sambu kiame;+Yambula kazu kiame kialwaka kwa ngeye.+
2 Kunsweki ndose aku ko muna ntangw’ampasi.+
Tamba o matu maku oku ngina;*
Avo ibokele umpana e mvutu mu nzaki.+
3 Kadi e lumbu yame, iladidi nze mwisi,E visi yame ikweme nga nkuni.+
4 O ntim’ame ufuntakene yo lengela nze titi,+Kadi mvilakene o dia madia mame.
5 Muna kuma kia bumu kiame,+Nkitukidi visi ye visi.+
6 Ngina nze lembe* kia makanga;Ngina nze fungu muna mazumbu.
7 Kilendele leka ko;*Nkitukidi nze nuni wina kinsona vana nludi.+
8 E mbeni zame bekunsakanenanga e lumbu kiamvimba.+
Awana bekumvezanga* basadidi e nkumbu ame se sibu.
9 Ndidi ntoto ampolo nga mbolo,+Ina inuanga yasangwa ye mansanga,+
10 Muna kuma kia fuluta ye nsita zaku,Kadi untelamese kimana wambembola.
11 E lumbu yame ina nze kini* kikwenda vidinge,*+Ndengele nze titi.+
12 Vo i ngeye, e Yave, okalanga yakwele mvu,+E nkumbu aku* izingila muna mbandu zawonso.+
13 Telama otelama wafwila Zione nkenda,+Kadi yayi i ntangwa ya kunsonga e dienga;+E ntangwa yasikidiswa ifwene.+
14 Kadi selo yaku bayangalele matadi ma Zione,+Bezolanga nkutu o ntoto andi.+
15 E zula ivumina nkumbu a Yave,E ntinu miawonso mia nza, bezaya nkembo aku.+
16 Kadi Yave otungulula e Zione;+Moneka kemoneka muna nkembo andi.+
17 Owá e sambu kia asukami;+Ke veza sambu kiau ko.+
18 Ediadi disonamene mu kuma kia mbandu ilanda,+I dianu, o nkangu una ukubikwa* ukembela YA.
19 Kadi otalanga ova nsi tuka kuna fulu kiandi kiavauka,+O Yave kuna zulu otalanga e nza,
20 Kimana kawá bumu kia mbakami,+Kavevola awana bavewa tumbu kia lufwa,+
21 E nkumbu a Yave yasamunua muna Zione+Ye nkembo andi muna Yerusaleme,
22 Vava minkangu ye yintinuIkutakana muna sadila Yave.+
23 Unkatwidi ngolo una ntangwa ke ifwene ko;Okufikidi e lumbu yame.
24 Mpovele vo: “E Nzambi ame,Kumpondi va kati-kati kwa zingu kiame ko,Kadi ongeye, ozinganga yakwele mvu.+
25 Wakuba e nkubilwa za ntoto tuka kolo,E zulu i salu kia moko maku.+
26 E ntoto ye zulu dikuyifwila, vo i ngeye okala kaka;Ifwa nze mvuatu.
Soba osoba yo nze mvuatu, fokoka ifokoka emvimba.
27 Kansi ongeye kusobanga ko, e mvu miaku ke misuka nkutu ko.+
28 Wan’a ntaudi zaku bezingila mu luvuvamu,E mbongo au isikila emvimba vana ndose aku.”+
Mvovo vana yand'a lukaya
^ Yovo “vava kayoyele.”
^ Yovo “Kuluka wangwa.”
^ umbu a nuni.
^ Nanga, “Ntandidi.”
^ Yovo “Awana bankitwidi se zowa.”
^ Yovo “ninga.”
^ Yovo “kini kilambukanga.”
^ Yovo “E tunda diaku.” Mvovo wa sina: “O luyindulu lwaku.”
^ Mvovo wa sina: “una usemwa.”
