Ngana 1:1-33
1 Ngana za Solomo+ wa mwan’a Davidi+ wa ntinu a Isaele:+
2 Muna longokela ngangu+ ye longi;Muna bakula mvovo mia ngangu;
3 Muna vua longi+ divananga lulungalalu,Unsongi,+ ndwenga+ ye ziku;
4 Muna vana lulungalalu+ kwa mazowa;Muna vana zayi ye ntona zambote kwa toko.+
5 O nkwa ngangu owanga yo tambula malongi mayingi;+O nkwa umbakuzi ovuanga tuludiku twa ngangu+
6 Muna bakula ngana ye mvovo miampimpita,Mvovo mia ngangu ye ngwala zau.*+
7 O vumi wa Yave i lubantiku lwa zayi.+
Mazowa kaka bevezanga ngangu ye longi.+
8 E mwan’ame, wá longi dia se diaku,+Kubembola luludiku lwa* ngudi aku ko.+
9 Kadi i kolowa ya mvuma kuna ntu aku+Ye nsanga wambote muna nsingu aku.+
10 E mwan’ame, avo asumuki bavavidi kuvukumuna, kutambulwidi ko.+
11 Avo bavovele vo: “Wiza yeto.
Yambula twenda swekama kimana twabungula menga.
Twaswekama yo vingila minkondwa kuma, twabasakanena.
12 Tukubamina kimoyo nze Ziami,*Baminuka amvimba nze awana bekulumukanga muna wulu.
13 Yambula twenda kutumuna tusalu twau twawonso;Twazadisa nzo zeto ye sanzu.
14 Kala yeto entwadi,*Yeto awonso tubaka kunku kiafwanana muna ina tuyiya.”*
15 E mwan’ame, kubalandi ko.
Kusie tambi yaku muna nzila zau ko,+
16 Kadi malu mau nzaki mekwendanga muna vanga e mbi;Bezabuziokanga muna bungula menga.+
17 Kieleka, ke dina mfunu ko mu leka konde vana meso ma nuni.
18 I kuma beswekamenanga muna bungula menga;Belangidilanga muna katula mioyo mia wantu ankaka.
19 Ezazi i nzila z’awana bevavanga nluta mia lembi songa,Ana bekatulanga mioyo mia awana bavuidi mio.+
20 E ngangu zakieleka+ zikazanga muna nzila.+
Zitatulanga e ndinga muna ntanda.*+
21 Zibokanga muna konko ya nzila zilutilanga e ndonga.
Muna mielo mia mavitu ma mbanza, zivovele vo:+
22 “E yeno mazowa, yamu nkia kolo nuzolela kizowa?
E yeno avezi, yamu nkia kolo nuyangalela luvezo?
E yeno mazowa, yamu nkia kolo numengena zayi?+
23 Nutambulwila lusembo lwame.*+
I bosi ikunubungulwila mwand’ame;Ikunuzayisa mvovo miame.+
24 Yakunubokela, kansi yeno ke nuazola kungwila ko,Yalambula koko, kansi ke muntu ko wasia sungididi.+
25 Nuvezele luludiku lwameYo bembola tumbu kiame,
26 Omono mpe seva ikunuseva vava nubwilwa e sumbula;Sakanena ikunusakanena vava nubwilwa dina numwenanga wonga,+
27 Kina numwenanga wonga vava kikwiza nze tembwa kiangolo,Ye sumbula vava kikwiza nze kimbongela,Vava mpasi ye lukendalalu lukunulwakila.
28 Muna ntangwa yayina bekumbokela, kansi kikubavana mvutu ko;Bekumpava ye tima diawonso, kansi ke bekunsolola ko,+
29 Kadi bamengene zayi,+Ke bazolele vumina Yave ko.+
30 Ke batambulwidi longi diame ko;Bavezele tuludiku twame twawonso.
31 Ozevo, mfwilu bebaka muna mavangu mau,+Bezala ye makani mau.*
32 Kadi ukolami wa mazowa ukubavonda,O luvuvamu lwa mazowa lukubafwasa.
33 Kansi konso ona okungwila mu luvuvamu kekala+Yo vuvama, lembi mona wonga wa sumbula.”+
Mvovo vana yand'a lukaya
^ Yovo “ngana.”
^ Yovo “nsiku a.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Yovo “Wiza twata e nkas’a mienze.”
^ Yovo “Nkutu mosi tusadila yeto awonso.”
^ Yanzala kiakutakenanga nkangu mu teka, sumba lekwa yo tela mambu.
^ Yovo “Vava ikunusemba, nuvutuka manima.”
^ Yovo “tuludiku twau.”
