Nakumi 3:1-19
3 Nkenda kwa mbanza ibungulanga o menga!
Yazala yo luvunu yo wivi.
Ke ikondwanga mbakami ko!
2 O mazu ma nzwangi ye ma tungungu,*Mvalu mitikuna ye mazu ma makalu ma vita.
3 Akwa mvalu bamente, e nsosolo mu lekola mina, o madionga mekezimanga,Ulolo wa wantu bafwidi, kunku ye kunku ya mavimbu—Mavimbu ke malendi tangakana ko.
Batele masakuba muna mavimbu.
4 Mambu mama mavangamene mu kuma kia ulolo wa mavangu mazumba ma nkembi,*Oyandi wavienga ye nkwa malengo, ngang’a nkisi,Ona ovunginikanga e zula muna zumba yandi ye makanda muna nkisi miandi.
5 “Tala, isidi e kitantu,”* ukavovele o Yave a vu,+“Izangula e saya kiaku yavana ndose aku;Isenzeka e nitu aku kwa zula,O luvezo lwaku kwa atinu.
6 Ikutuba e lekwa yangemiYo kukitula se lekwa kiakondwa o mfunu;Ikukitula se lekwa kia sakanena.+
7 Awonso bekumona bekutina+ yo vova vo:
‘E Ninive ifwasilu!
Nani okumfwil’e nkenda?’
Akweyi ivavila o mfiaulwisi kafiaulwisa?
8 Nga osundidi No-amone*+ o wete, ona wakedinge vana mvuila mia Nile?+
Wazietwa kwa maza;O kalunga i mavua mandi, e yaka yandi i kalunga.
9 Etiopia ye Engipito yakala se tuku dia nkum’andi wakondwa e nsuka.
E Puti+ ye esi Libia bakala asadisi andi.*+
10 Kansi, kana nkutu i No-amone wayalulwa;Wayenda mu kinkole.+
O wan’andi mpe bamana zengononua muna mpambu zawonso za nzila.*
Batá e nkas’a mienze muna wantu andi a tunda,E nene miandi miawonso miakangwa muna tuvambu.
11 Ongeye mpe okituka se nduvu;+Oswekama.
Ovava e tininu mu kuma kia mbeni zaku.
12 E mbanza zaku zawonso za nkuma zina nga bundu ya nsanda yabuaka;Avo onikwini yo, isotoka muna nua mia adie.
13 Tala, masoladi maku mena nga akento ova kati kwaku.
Mavitu ma nsi aku meziulwa e mvimba kwa mbeni zaku.
O tiya tubomona e mbindi za mavitu maku.
14 Teka maza mu kuma kia ntangwa ina ozungwa!+
Siamisa e mbanza zaku zankuma.
Kulumuka muna ntoto yo diata e nteke;Simba e nkela wavang’e bilikisi.
15 Kana nkutu kwakuna, o tiya bomona tukubomona.
O nsosolo ukufwasa.+
Ukuvempola nze una bevanganga wan’a makonko.+
Wokela nze wan’a makonko!
Elo, toma wokela nze wan’a makonko!
16 Owokese akiti aku lutila ntetembwa za zulu.
O wan’a makonko bekuyivulanga muna mavavala mau yo timuka.
17 Ayingidi aku bena nze makonko,E mfumu za makesa maku bena nze buka kia makonko.
Muna nsungi a kiozi, beswaminanga muna mawulu ma matadi,Kansi, avo mwini ubayidi, betimukanga;Ke muntu ko ozeye kuna bekwendanga.
18 Avungudi aku mu nimba bena, e ntinu a Asuri;E nene miaku bavuende muna nzo zau.
O nkangu aku umwanganeso muna miongo,Ke vena ona ubakutakesa ko.+
19 Ke vena lufiaulwisu ko muna mpasi zaku.
E mput’aku ke isasuka ko.
Awonso bewá e nsangu zaku besika makonzo;+Kadi nani kamwene mpasi za umpumbulu waku ko e?”+
Mvovo vana yand'a lukaya
^ Yovo “mapine.”
^ Yovo “nkento a ndumba.”
^ I sia vo, Ninive.
^ I sia vo, Tebese.
^ Mvovo wa sina: “aku.”
^ Mvovo wa sina: “ntu miawonso mia nzila.”
