Mika 6:1-16
6 Dodokolo, nuwá edi divovele Yave.
Nutelama, nusunzula mfundu vana vena miongo,
Nuyambula e kundubulu yawá e ndinga eno.+
2 E miongo, nuwá diambu dia Yave,E yeno nkubilwa zasikila za ntoto,+Kadi Yave diambu kena diau yo nkangu andi;
Osunzula diambu diandi yo Isaele:+
3 “E nkangu ame, nkia diambu inuvangidi?
Aweyi inuyoyesele?+
Nutá kimbangi avo ngielele ngina yau.
4 Kadi yanuvaikisa muna nsi ya Engipito,+Yanukûla muna nsi ya ubundu*+Yo twika Mose, Arone yo Mireyame vovo nuina.+
5 E nkangu ame, dodokolo, nusungamena dina Balaki wa Ntinu a Moabe kakana vanga,+Ye dina Bilami wa mwan’a Beo kamvutula+—Dina diabwa tuka muna Sitimi+ yakuna Ngilengale+—
Kimana nuazaya mavangu mansongi ma Yave.”
6 Nki inata vana ndose a Yave?
Nki inata muna fukama vana ndose a Nzambi okalanga kuna kayengele?
Nga ikwenda vana ndose andi ye tukau twawonso twangioka,
Yo wan’a ngombe a mvu mosi?+
7 Nga Yave oyangalela mafunda ma mameme ma makoko,Ye yazi ya mafunda ya nzongo miampwena mia mazi?+
Nga ivana mwan’ame antete muna ukolami wame,E mbongo a nitu ame muna sumu diame?*+
8 Uzayisi edi diambote, e muntu.
O Yave adieyi kelombanga kwa ngeye?
Vanga owu wansongi+ yo zola e kwikizi,*+Yo kangalela kuna lusakalalu+ yo Nzambi aku!+
9 Nding’a Yave ibokanga muna mbanza;Awana bena ye ngangu zavimpi bevumina e nkumbu aku.
Nuwila lubamba ye ndiona wasola lo.+
10 Nga muna nzo a kimpumbulu mwakinu tusalu twa umpumbuluYe ndambu a efa* ina vo yangemi?
11 Nga ndenda kala nkal’avelela avo ngina ye balanza za umpumbulu,Ye tezelo ya matadi ya luvunu?+
12 Kadi mvuama zandi zizele ye nsoki,Nkangu andi uvovanga luvunu;+O lubini lwa nua miau lwa luvunu.+
13 “I dianu vo, ikuwanda yo kulweka,+Nkatu ikusisa muna kuma kia masumu maku.
14 O dia, kansi kuyukuta ko;Mu nzala kaka okala.+
O mavua mana onata, kulenda mo sweka ko,Ina onata, iyekola yo kwa nsosolo.
15 Okuna mbongo, kansi kukutika yo ko.
Odiatakesa olive, kansi kusadila mazi ko;Odiatakesa uva, kansi kunua vinyu ko.+
16 Kadi nulundidi nkanikinu mia Omere ye mavangu mawonso ma nzo ya Akabi,+Yo kangalela muna malongi mau.
I dianu vo ikunukitula se lekwa kia kenonokenaO nkangu andi se kuma kiasikila mumpiozi;+Nata lunata lusembo lwa minkangu.”+
Mvovo vana yand'a lukaya
^ Mvovo wa sina: “nzo a ubundu.”
^ Yovo “muna sumu dia moyo ame.”
^ Yovo “kala nkwa ngemba ye nkwa ziku muna nzol’aku.” Mvovo wa sina: “zola walakazi.”
