Vapanguli 5:1-31
5 Mezuva olyo, Debora naBaraka munaAbinoamu kwa dimbire rusumo oru:
2 “Hamberereni Jehova!Morwa vantu ava va lizambera moIsraeli,ntani morwa vakwayita ava va dira kumanga nohuki dawo.*
3 Purakeneni one vahompa! Purakeneni one vapangeli!
Ame ngani dimbira Jehova.
Ame ngani tangauka* Jehova Karunga goVaisraeli.
4 Jehova, apa wa tundire moSeire,ntani apa wa tundire momukunda gwaEdomu,evhu kwa kankamene, mema kwa tundire meguru,ntani maremo kwa powomwene mema.
5 Nondundu kwa hemukire komeho zaJehova,nampili Ndundu zaSinayi nazo kwa hemukire* komeho zaJehova Karunga goVaisraeli.
6 Posiruwo saSamugara munaAnati,ntani posiruwo saJayeli, yitaura kapi ngava yi gendi;vantu ngava ruganesa nonzira dapeke.
7 Monomukunda domoIsraeli kapi va kere mo vantu;awo kapi va tungire monomukunda dogoro apa va horowere nge ame Debora,apa va horowere nge ni kare ngwendi zinya moIsraeli.
8 Awo kwa karerere yikarunga yapeke;makura pomarungavero goyitata yawo tayi kara po yita.
Vakwayita 40 000 woVaisraeli,kapi va kere nosilikandwiso ndi negonga.
9 Hamberereni Jehova!Mutjima gwange kuna hama kovapitisili wovakwayita woVaisraeli,
ava va lizambera va ze kumwe novantu.
10 Gazadareni ko koyirugana yaKarunga,one varondi woyindongi youhefu,one ava mwa hingira pomakehe gondiro,ntani one omu gendi mononzira.
11 Mazwi govantu ava ava gavere mema kwa ga zuvhire komavango gomema;awo kwa simwitilire yirugana yaJehova yoyiwa,yirugana yoyiwa yovantu ava va tunga monomukunda domoIsraeli.
Makura vantu vaJehova tava zi komarungavero.
12 Pinduka ntani katuka ove Debora!
Pinduka ntani katuka o dimbe rusumo!
Katuka Baraka! O pitisire vantu ava wa ka kwata ove munaAbinoamu!
13 Makura vantu ava va hupire po tava zi kovapitisili;ano vantu vaJehova kwa wizire kwange, yipo va rwanese vantu wononkondo.
14 Ava vana kara momuramba kwa tundilira moruvharo rwaEfurayimi;awo kuna kukukwama ove Mbenyameni kumwe novakwayita woge.
Vapitisili wovakwayita kwa tundilira moruvharo rwaMakire,ano ava ava horowora vakwayita kwa tundilira moruvharo rwaSeburoni.
15 Vapitisili womoruvharo rwaIsasikali kwa kere kumwe naDebora,ntani Baraka kwa kere kumwe nage ngwendi womoruvharo rwaIsasikali.
Age kwa mu tumine a ze momuramba porupadi.
Womorudi rwaRubena kwa konakonene nomutjima dawo.
16 Morwasinke wa hingililire ngwendi sindongi esi vana mangerere nonsako mbali,o va purakene omu vana kusivira yimuna yawo?
Yeeyi womorudi rwaRubena kwa konakonene nomutjima dawo.
17 Ava va tungire momukunda gwaGiliyata kapi va tundire mesinya mwina lyomukuro gwaJorodana;morwasinke womorudi rwaDana va twikilire kutunga moyikepa yawo?
Womorudi rwaAseli kwa hingilire konontere defuta,ntani awo kwa twikilire kukara pomazenga gawo.
18 Womorudi rwaSeburoni kwa tulire eparu lyawo mosiponga dogoro kuhara kuvadipaga;womorudi rwaNafitali nawo kwa rugene yokulifana keguru lyonondundu.
19 MoTanaki pepi nomema gaMegido,vahompa kwa wizire va ya tu rwise;makura vahompa Vakanani tava tu rwisa,
nye awo kapi va gusire sisiliveli.
20 Nombungururu demeguru kwa rwire;ado kwa rwisire Sisera ado kuna kara meguru mononzira dado.
21 Runone rwaKisoni kwa henze makura taru va twara norupupo,runone rwanare ndi runone rwaKisoni.
Ove kwa fundire vantu wononkondo.
22 Makura makondo gononkambe kwa zogererengomu nonkambe da dukire unene.
23 Muengeli gwaJehova kwa tente asi: ‘Merosi va mu finge,vantu ava va tunga mo vava finge,yeeyi awo kapi va vaterere Jehova,awo kapi va vaterere Jehova apa ga rwisire vantu wononkondo.’
24 Jayeli mukadi ogu va tungika po unene mokatji kovakadi,age mukadaHebere goMukeni;age mukadi ogu va tungika po unene mokatji kovakadi ava va tunga monotende.
25 Sisera kwa mu hundilire mema, nye age ta mu pe masini.
Age kwa mu reterere masini gombofu* porupasa roruwa.
26 Age kwa gusire mbohwa zokotende nokuwoko kwendi,age kwa gusire hamara zositji nokuwoko kwendi korulyo.
Ntani ta pampara Sisera, ta taura mutwe gwendi,age kwa mu pamparere ta tomona mutwe gwendi.
27 Age kwa gwililire konompadi dendi, age kwa ligende, ta rara teete;age kwa ligende ntani kwa gwililire konompadi dendi;age kwa fililire apa ga gwililire.
28 Mukadi kwa tarerere pekende,ozina vaSisera kwa nokerere pekende,tava lipura asi: ‘Morwasinke karukara kendi kana kulirangera kuwiza?
Morwasinke nina kudilira kuzuvha muhagaro gononkambe dendi?’
29 Vagavindunge vendi wovakadi wovanongo po unene tava mu limburura,makura nage ta litantere asi:
30 ‘Nampo awo kuna kuligawinina emona eli va ka gwana,nkenye mukwayita kuna kugusa mukadi gumwe ndi vavali,Sisera kuna kugusa yikoverero yomaruvara,yikoverero yivali yomaruvara, eyi va honzayokudwara vantu ava va ka kwata emona.’
31 Jehova ninka nonkore doge di dongonoke po,nye ava va kuhara va ninka va teme ngwendi ezuva eli lina kusa.”
Makura mosirongo ta mu kara mbili nomvhura 40.
Nonkango dokonhi
^ Nampo sidiviso sokulikida asi awo va ligava kwaKarunga.
^ Ndi “ngani tota nonsumo.”
^ Ndi nampo asi “kwa kankamene.”
^ Ndi “masini gokulikwata.”
