Bantu mingi kena kukanisa ti solision kevuanda ve samu na mambu ya mpasi yina kesalama na 2024. Nzokande, beto lenda baka kivuvu samu na bilumbu kena kuiza. Wapi?

 Biblia melaka ti Nzambi kekatula mambu nionso ya mpasi yina kesalaka ti beto kondua kivuvu na luzingu. Ntama mingi ve, Nzambi ‘kepangusa mansanga nionso na meso na [beto], lufua kevuanda diaka ve, kiadi, bidilu mpe mpasi kevuanda diaka ve.’—Kusonga 21:4.

•    Samu na kuzaba mambu yankaka yina Biblia melaka samu na bilumbu kena kuiza, tanga disolo “Elikya ya solosolo mpo na mikolo ezali koya.”

 Kivuvu yina Biblia mepesa samu na bilumbu kena kuiza lenda sadisa nge samu nge nuanisa makanisi ya yimbi mpe nge kuma na makanisi ya mbote. (Baroma 15:13) Malongi ya Biblia lenda sadisa nge diaka samu nge nuanisa mambu yina nge kena kukutana na yau bubu yayi, na kifuani kimputu, mambu ya kukondua lunungu, mpe maladi.

•    Tala mutindu kivuvu ya Biblia sadisaka bakala mosi samu yandi baka kiyenge mpe kiese atako yandi yundukaka na luzingu mosi ya kimputu. Tala video Juan Pablo Zermeño: Yehova pesaka munu luzingu yina kele na mfunu.

•    Tala mutindu Biblia lenda sadisa nge ntangu nge kele na banguilu ya kukipesa foti, nge kele na kiadi, nge kena tungisama, mpe ntangu nge mefuila muntu yina nge vuandaka zola mingi. Tanga disolo “Biblia lenda bomba munu?”

•    Tala mutindu Biblia sadisaka nketo mosi yina vuandaka soda na ntama mpe yandi vuandaka kukibokidila “muntu ya nko mpe yina mekondua kiadi” samu yandi kuma na kivuvu. Tala video Nabwakaki mandoki.

 Sala ti 2024 vuanda mvula mosi ya mbote samu na nge mpe dibuta na nge. Longuka mutindu Biblia lenda sadisa nge. Meka ndongokolo na beto ya Biblia. Sosa mutindu yina Nzambi lenda pesa nge ‘makanisi ya kiyenge’ bubu yayi mpe ‘luzingu ya mbote na bilumbu kena kuiza mpe kivuvu.’—Yeremia 29:11.