DILONGI 27
Yinki mutindu lufua ya Yesu mekula beto?
Beto kesalaka masumu, beto kemonaka mpasi, mpe beto kekufuaka samu bakala mpe nketo ya ntete, Adamu mpe Eva mangaka kuzitisa Nzambi. a Kasi kivuvu kele samu na beto. Yehova bongisaka mutindu ya kukula beto na kinanga ya disumu mpe ya lufua na nzila ya Muana na yandi, Yesu Klisto. Biblia kena kumonisa ti na nzila ya lufua na yandi, Yesu futaka nkudulu. Nkudulu kele kima bakefutaka samu na kukula muntu yina kangamaka. Ntalu yina Yesu futaka vuandaka valere ya luzingu na yandi ya kukoka lokola muntu. (Tanga Matayo 20:28.) Na kubikaka yinsua na yandi ya kuzinga mvula na mvula na ntoto, Yesu zibudilaka beto nzila ya kubaka diaka nionso yina Adamu mpe Eva zimbisaka. Yesu monisaka diaka nzola yina yandi mpe Yehova kele na yau samu na beto. Dilongi yayi ketinda nge nge monisa butondi ya mpinda samu na lufua ya Yesu.
1. Yinki mutindu beto lenda baka mambote na lufua ya Yesu bubu yayi?
Lokola beto kele bantu ya masumu, beto kesalaka mambu mingi yina kesepedisaka Yehova ve. Kasi, kana beto mekuwa kiadi samu na masumu na beto mpe beto melomba Yehova nlemvukila beto na nzila ya Yesu Klisto mpe kana beto mebaka lukanu ya kuvutukila ve banzimbala yango, beto lenda tanina nguizani ya mbote na Nzambi. (1 Yoane 2:1) Biblia metuba: ‘Klisto kufuaka mbala mosi kaka samu na masumu, muntu ya lunungu samu na bantu mekondua lunungu, samu yandi nata beno na Nzambi.’—1 Piere 3:18.
2. Na bilumbu kekuiza, yinki mutindu beto kebaka mambote na lufua ya Yesu?
Yehova tindaka Yesu samu na kupesa luzingu na yandi ya kukoka lokola muntu ‘samu konso muntu yina kemonisa kiminu na Muana kufua ve kasi yandi baka luzingu ya mvula na mvula.’ (Yoane 3:16) Na nzila ya diambu yina Yesu salaka, Yehova kemanisa ntama mingi ve bampasi yina kukondua luzitu ya Adamu bimisaka. Yazola tuba ti beto meka monisa kiminu samu na nkayilu ya Yesu, beto kebaka dikoki ya kuzinga mvula na mvula na kiese na paradiso awa na ntoto!—Yezaya 65:21-23.
KOTA NA MPINDA
Sosa kuzaba mbotembote samu na yinki Yesu pesaka luzingu na yandi mpe tadila mambote yina nge lenda baka na diambu yango.
3. Lufua ya Yesu mekula beto na kinanga ya disumu mpe ya lufua
Tula VIDEO, mpe na manima tadila kiuvu yayi melanda.
-
Yinki diluaku Adamu mpe Eva zimbisaka ntangu bamangaka kuzitisa Nzambi?
Tanga Baroma 5:12, mpe na manima tadila kiuvu yayi:
-
Yinki disumu ya Adamu menatinaka mosi mosi kati na beto?
Tanga Yoane 3:16, mpe na manima tadila kiuvu yayi:
-
Samu na yinki Yehova tindaka Muana na yandi awa na ntoto?
-
Adamu vuandaka muntu ya kukoka yina mangaka kuzitisa Nzambi mpe yandi kotisaka bantu na kinanga ya disumu mpe ya lufua
-
Yesu vuandaka muntu ya kukoka yina vuandaka zitisa Nzambi mpe na nzila ya luzitu yango, yandi mepesa beto diluaku ya kukuma bantu ya kukoka mpe ya kubaka luzingu ya mvula na mvula
4. Lufua ya Yesu lenda natina beto nionso mambote
Tula VIDEO, mpe na manima tadila kiuvu yayi melanda.
-
Yinki mutindu lufua ya muntu mosi lenda kula bantu nionso?
Tanga 1 Timoteo 2:5, 6, mpe na manima tadila kiuvu yayi:
-
Adamu vuandaka muntu ya kukoka yina kotisaka bantu na kinanga ya disumu mpe ya lufua. Yesu vuandaka mpe muntu ya kukoka. Na yinki mutindu yandi pesaka ‘nkudulu yina mefuanana’?
5. Nkudulu kele dikabu ya Yehova samu na nge
Bankundi ya Yehova ketadilaka nkudulu lokola dikabu yina mepesama samu na bau. Na kifuani, tanga Bagalatia 2:20, mpe na manima tadila kiuvu yayi:
-
Yinki mutindu ntumua Paulo monisaka ti nkudulu kele dikabu yina pesamaka samu na yandi?
Ntangu Adamu salaka disumu, yandi mpe bana na yandi nionso kumaka na kinanga ya lufua. Kasi Yehova tindaka Muana na yandi samu yandi kufua, na nzila na yau, beto lenda baka diluaku ya kubaka luzingu ya mvula na mvula.
Ntangu nge kena kutanga baverse yayi melanda, mona mutindu Yehova kuwaka ntangu yandi monaka Muana na yandi vuandaka mona mpasi. Tanga Yoane 19:1-7, 16-18, mpe na manima tadila kiuvu yayi:
-
Yinki mutindu nge kena kukimona na diambu metadila yina Yehova mpe Yesu salaka samu na nge?
MUNTU YANKAKA LENDA YUVUSA: “Yinki mutindu muntu mosi lenda kufua samu na bantu nionso?”
-
Yinki mvutu nge kepesa?
BUNKUFI
Lufua ya Yesu mepesa nzila samu Yehova nlemvukila masumu na beto, mpe yamepesa beto diluaku ya kusepela na luzingu ya mvula na mvula.
Mvutukulu
-
Samu na yinki Yesu kufuaka?
-
Na yinki mutindu luzingu ya Yesu lokola muntu ya kukoka vuandaka mpenza nkudulu yina mefuana?
-
Yinki mutindu lufua ya Yesu lenda natina nge mambote?
SOSA
Sosa kuzaba samu na yinki luzingu ya Yesu ya kukoka lokola muntu, mebokudulua nkudulu.
“Ndenge nini mbeka ya Yesu ezali ‘lisiko mpo na bato mingi’?” (Disolo na Internet)
Sosa kuzaba yinki beto fueti sala samu beto vuka.
Yehova lenda nlemvukila ata masumu ya nene?
“Biyano na mituna ya Biblia” (Linɔ́ngi ya Mosɛnzɛli ya 1 Mai 2013)
Tala mutindu kulonguka nkayilu ya Klisto sadisaka bakala mosi samu yandi soba kimuntu na yandi.
a Mpova disumu lenda monisa kusala diambu mosi ya yimbi. Kasi yalenda monisa diaka kimuntu ya kukondua kukoka yina Adamu mpe Eva tambikisaka beto.
Tala diaka...
BIUVU YINA BANTU KEYUVUSAKA MINGI
Yinki mutindu Bambangi ya Yehova kelongukaka Biblia na bantu?
Na nzila ya programe ya ndongokolo ya kusolola ofele na Bambangi ya Yehova, nge lenda sadila konso mbangudulu ya Biblia. Nge kele na yinsua ya kubokidisa dibuta na nge ya mvimba to bankundi na nge bakuiza sangana na nge.
