Yinki kele disuekamu samu na kuvuanda na dibuta ya kiese?
Nge kekanisaka ya kele . . .
-
nzola?
-
mbongo?
-
kima ya nkaka?
BIBLIA METUBA MUTINDU YAYI
“Kiese na bayina kekuwaka mpova ya Nzambi mpe kelundaka yau!”—Luka 11:28, Traduction du monde nouveau.
YAU KELE MBOTE SAMU NA NGE
Beno ke kuma na nzola ya kedika.—Baefezo 5:28, 29.
Beno ke kuma na luzitu ya kedika.—Baefezo 5:33.
Beno ke nata kutanunua ya kedika.—Marko 10:6-9.
BETO FUETI NDIMINA MPENZA YINA BIBLIA KETUBAKA?
Ee, ata samu na mambu zole kaka:
-
Nzambi kele Mvangi ya dibuta. Biblia metuba ti ‘dibuta mosimosi . . . mebaka nkumbu’ na Yehova Nzambi. (Baefezo 3:14, 15) Yau zola tuba ti dibuta kele samu Yehova salaka yau. Samu na yinki diambu yayi kele mfunu?
Yindula tete: Ntangu nge kenakudia madia ya mbote mpe nge zola kuzaba bima balambilaka yau, nani nge keyuvusa? Yau mebonga nge yuvusa muntu yina lambaka yau.
Mutindu mosi, samu na kuzaba mambu yina kepesaka kiese na dibuta, yau kele mbote beto yuvusa Yehova, Mvangi ya dibuta.—Kuyantika 2:18-24.
-
Nzambi kebanzilaka nge. Yau kevuanda diambu ya nduenga mabuta sosaka malongi yina Yehova kena kupesa beto na nzila ya Mpova na yandi. Samu na yinki? “Samu yandi kebanzilaka beno.” (1 Piere 5:6, 7) Yehova kesosaka kaka mambote na nge—mpe malongi na yandi kenataka kaka mambote!—Bingana 3:5, 6; Yezaya 48:17, 18.
YINDULA NTETE
Yinki mutindu nge lenda vuanda bakala ya mbote, nketo ya mbote to kibuti ya mbote?
Biblia kena kupesa mvutu na kiuvu yayi na BAEFEZO 5:1, 2 mpe BAKOLOSAI 3:18-21.
Tala diaka...
BAMVUTU NA BIUVU YA BIBLIA
Yinki Biblia metuba samu na dikuela?
Bansikudukusu ya Biblia lenda sadisa bankuelani samu batina mambu ya mpasi to banunga yau.
MAMBU YINA METADILA BETO
Video klip: Samu na yinki kulonguka Biblia?
Biblia kena kusadisa mafunda ya bantu na ntoto ya mvimba na kubaka bamvutu na biuvu yina meluta mfunu na luzingu. Nge zola vuanda mosi na bau?
MAMBU YINA METADILA BETO
Lomba muntu mosi kuiza tala nge
Tubila kiuvu mosi ya Biblia, to longuka kuzaba mambu mingi yina metadila Bambangi ya Yehova.
