1-7 Avril
NKUNGA 23-25
Muyimbu 4 mpe kisambu | Bampova ya ebandeli (Min. 1)
1. ‘Yehova kele Mvungi na munu’
(Min. 10)
Yehova kenataka beto (Nk 23:1-3; w11-LI 1/5 31 ¶3)
Yehova ketaninaka beto (Nk 23:4; w11-LI 1/5 31 ¶4)
Yehova kedikilaka beto (Nk 23:5; w11-LI 1/5 31 ¶5)
Yehova ketudilaka bisadi na yandi dikebi mutindu kaka mvungi ya mameme ya nzola kesalaka yau na mameme na yandi.
KUKIYUVUSA: ‘Yinki mutindu Yehova tudilaka munu mpenza dikebi?’
2. Bima ya ntalu ya kimpeve
(Min. 10)
-
Nk 23:3—Yinki kele “banzila ya lunungu,” mpe yinki kesadisa beto samu beto bika ve banzila yango? (w11-LI 15/2 24 ¶1-3)
-
Yinki bima ya ntalu ya kimpeve nge bakaka na ntangulu ya Biblia ya sabala yayi, yina nge kesepela kutubila?
3. Ntangulu ya Biblia
(Min. 4) Nk 23:1–24:10 (th-LI dilongi 5)
4. Kubanda disolo
(Min. 3) KUPESA KIMBANGI NA DILUAKU YA MBOTE. Solola verse mosi ya Biblia ya kukindisa na muntu yina metubila nge ti bakena kukitungisa samu na kubeba ya bisika yina bantu kevuandaka. (lmd dilongi 2 poin 5)
5. Kulandela muntu
(Min. 4) YINZO NA YINZO. Monisa mutindu ndongokolo ya Biblia kesalamaka na muntu mosi yina ndimaka mua mukanda Zinga mvula na mvula na kiese!. (lmd dilongi 9 poin 3)
6. Kumisa bantu banlonguki
(Min. 5) lff dilongi 14 poin 4 (lmd dilongi 11 poin 3)
Muyimbu 54
7. Beto kemangaka kuwa ndinga ya banzenza
(Min. 15) Disolo na kimvuka.
Mameme kezabaka ndinga ya mvungi na bau mpe bakelandaka yandi. Na ndambu yankaka, baketinaka nzenza yina bazaba ve ndinga na yandi. (Yoa 10:5) Mutindu mosi, beto kekuwaka ndinga ya Yehova mpe Yesu, bamvungi na beto ya kimpeve yina kele na nzola mpe bamebonga beto tudila bau ntima. (Nk 23:1; Yoa 10:11) Kasi beto kemangaka kuwa ndinga ya banzenza yina kesosaka kulembisa kiminu na beto na nzila ya ‘bampova ya luvunu.’—2Pi 2:1, 3.
Kuyantika kikapu ya tatu kena kumonisa mbala ya ntete yina bantu awa na ntoto kuwaka ndinga ya nzenza. Satana sololaka na Eva na nzila ya nioka, na mutindu yango Eva vuandaka zaba ve nani mpenza vuandaka solola na yandi. Na kuvunikisaka kuvuanda lokola nkundi na yandi, Satana vunaka Eva na kutubaka bampova yina Yehova tubaka ve mpe na kubimisaka makanisi yina Yehova vuandaka na yau ve. Diambu ya kiadi, Eva kuwaka yandi, yau salaka ti yanatina yandi mpe dibuta na yandi mpasi.
Bubu yayi diaka, Satana kesosaka beto kuma na bantembe samu na Yehova mpe nkubukulu na yandi na kumuangisaka bansangu ya yimbi, bakedika ya ndambu, mpe mambu ya luvunu. Kana beto mekuwa ndinga ya nzenza, beto fueti tina! Kuwa yau, ata samu na mua ntangu kele kivonza. Yalombaka Satana bimisa bampova yikua samu na kuvuna Eva ntangu basololaka mua disolo yango ya nkufi? (Kuy 3:1, 4, 5) Kasi yinki beto kesala kana muntu mosi yina beto mezaba—muntu yina kezolaka beto mpe yina kele na makanisi ya mbote—zola tubila beto bansangu ya yimbi samu na nkubukulu ya Yehova?
Tula VIDEO Manga kuwa ‘ndinga ya banzenza.’ Na manima yuvusa kimvuka:
Yinki dilongi nge mebaka na mutindu Rose salaka ntangu mama na yandi yina vuandaka ve Mbangi ya Yehova zolaka tuba bansangu ya yimbi samu na nkubukulu ya Yehova?
8. Ndongokolo ya Biblia na kimvuka
(Min. 30) bt-LI kikapu 8 ¶1-4, baankadre na paje 61-62
