ခရံာ်ဖိ​ပိာ်မုၣ်​လၢ အ​ဆီဟံၣ်​ဆီဃီ​တဖၣ်​ အ​တၢ်​သကဲာ်ပဝး​လၢ​အဂ့ၤ​န့ၣ်​ မ့ၢ်​တၢ်​လၢ​အ​မၤစၢၤ အဝၤ​လၢ က​တူၢ်လိာ်​တၢ်မ့ၢ်​တၢ်တီ​အဂီၢ်​လီၤ. ဘၣ်ဆၣ်​ အဝဲသ့ၣ်​က​ဘၣ်​ဂုာ်ကျဲးစၢး​ဝဲ အါ​နံၣ်​အါ​လါ​လီၤ. (၁ ပ့း. ၂:၂၁-၂၃; ၃:၁, ၂) န​မ့ၢ်​တူၢ်ဘၣ်​ တၢ်​တတီ​တလိၤ သနာ်က့ ဆဲး​မၤနၢၤ​တၢ်အၢ​လၢ တၢ်ဂ့ၤ​တက့ၢ်. (ရိ. ၁၂:၂၁) န​တဲဘၣ်​န​ဝၤ​လၢ ယဟိဝၤ​ယွၤ​အဂ့ၢ် သနာ်က့ ဘၣ်​သ့ၣ်​သ့ၣ်​ အဝဲ​တ​ကနၣ်​ဘၣ်. ဘၣ်ဆၣ်​ ဖဲ​အဝဲ​ထံၣ်ဘၣ်​ န​ဒိဂ့ၤတဲာ်ဘၣ်​အခါ အ​တၢ်ထံၣ်​လၢ တၢ်မ့ၢ်​တၢ်တီ​အ​ဖီခိၣ်​ က​ဆီတလဲ​အသး​လီၤ.

ဂုာ်ကျဲးစၢး​အိၣ်​ကွၢ်​လၢ န​သးသမူ​တံၤသကိး​အလီၢ်​တက့ၢ်. (ဖံလံး. ၂:၃, ၄) ပာ်ဖျါ​တၢ်​ဒိသူၣ်​ဒိသး ဒီး​တၢ်​သူၣ်အိၣ်​သးအိၣ်​ ဒီး​ဒ်​န​မ့ၢ်​မါ​တဂၤ​အသိး မၤ​လၢပှဲၤ​န​မူဒါ​အဂ့ၤ​ကတၢၢ် လၢ​တၢ်​ယူးယီၣ်​ပာ်ကဲ​အ​ပူၤ​တက့ၢ်. ဖဲ​န​သးသမူ​တံၤသကိး တဲတၢ်​ဒီး​နၤ​အခါ ဒိကနၣ်​န့ၢ်​အီၤ​ဂ့ၤဂ့ၤ​တက့ၢ်. (ယၤ. ၁:၁၉) အိၣ်ဒီး​တၢ်​သူၣ်စူၤ​သးစူၤ​ဒီး ဒုး​သ့ၣ်ညါ န​သးသမူ​တံၤသကိး​လၢ န​အဲၣ်အီၤ​န့ၣ်​တက့ၢ်. န​သးသမူ​တံၤသကိး မ့ၢ်​တ​ပာ်ဖျါ​ထီၣ်​ တၢ်​သးကညီၤ​ဒီး တၢ်​ယူးယီၣ်​ပာ်ကဲ​လၢ န​ဖီခိၣ်​သနာ်က့ မ့ၢ်​လၢ​န​သ့ၣ်ညါ​လၢ ယဟိဝၤ​ယွၤ ပာ်လုၢ်​ပာ်ပှ့ၤ န​တၢ်သးတီ​အဃိ န​အိၣ်ဒီး​တၢ်​သူၣ်ခု​သးခု​သ့​လီၤ.—၁ ပ့း. ၂:၁၉, ၂၀.

ကွၢ်​တၢ်ဂီၤမူ​လၢ အ​ခိၣ်တီ​မ့ၢ် ယဟိဝၤ​ယွၤ ဟ့ၣ်​ပှၤ​တၢ်ဂံၢ်​တၢ်ဘါ​လၢ ပ​ယိး​ပ​တၢ်ဝံ​တၢ်​ယိး​က​န့ၢ်​အဂီၢ်, ဝံၤ​စံးဆၢ​တၢ်​သံကွၢ်​လၢ​လာ်​တဖၣ်​အံၤ​တက့ၢ်–

• ကြ့ၣ်​စ် လံ ထီၣ်ပှၢ်​ဝံၤ​အလီၢ်​ခံ အ​တၢ်အိၣ်မူ မၤ​သး​ဒ်လဲၣ်.

• တၢ်​လၢ​အ​ထုးန့ၢ်​အီၤ ဆူ​တၢ်မ့ၢ်​တၢ်တီ​န့ၣ်​ မ့ၢ်​မနုၤ​လဲၣ်.

• ဒီပုၢ်ဝဲၢ်​မုၣ်​ လံ ဒိး​ဘျၢထံ​ဝံၤ​အလီၢ်​ခံ ဘၣ်​လဲၤခီဖျိ တၢ်ကီ​တၢ်ခဲ​တဖၣ်​ဒ်လဲၣ်.

• ဒီပုၢ်ဝဲၢ်​မုၣ်​ လံ ဃ့​ဘါ​ထုကဖၣ်​လၢ အဝၤ​အဂီၢ်​ဒ်လဲၣ်.

• မ့ၢ်​လၢ ဒီပုၢ်ဝဲၢ်​မုၣ်​ လံ​အိၣ်ဒီး​သကဲာ်ပဝး​လၢ အ​စီဆှံ ဒီး​တၢ်​ယူးယီၣ်​ပာ်ကဲ​အဃိ ဒိးန့ၢ်​ဘၣ်​ဝဲ တၢ်​ဆိၣ်ဂ့ၤ​မနုၤ​တဖၣ်​လဲၣ်.