ယဟိဝၤ​ယွၤ အ​ပှၤ​ဂီၢ်မုၢ်​ခဲလၢာ်​န့ၣ်​ မၤဝဲ​တၢ်မၤ​အဂ့ၤ​လၢ ယဟိဝၤ​ယွၤ က​သ့ၣ်နီၣ်​ထီၣ်ဝဲ​တဖၣ်​သ့​လီၤ. ဒ်​မိၢ်ပၢ်​လၢ​အိၣ်ဒီး တၢ်အဲၣ်​တၢ်ကွံ​တဖၣ်​ ပာ်လုၢ်​ပာ်ပှ့ၤ​ဝဲ အဖိ​တဖၣ်​အ​တၢ်မၤ လၢ​အ​ကဲထီၣ်​လိၣ်ထီၣ်​တဖၣ်​အသိး ယဟိဝၤ​ယွၤ တ​သးပ့ၤနီၣ်​ဝဲ တၢ်​လၢ​ပ​မၤ ဒီး​ပ​တၢ်အဲၣ်​အ​မံၤ နီတဘျီ​ဘၣ်. (မး. ၆:၂၀; ဧ့ၤ. ၆:၁၀) ပ​တၢ်​သ့​တၢ်ဘၣ်​ ဒီး​တၢ်အိၣ်သး တ​ဒ်သိး​လိာ်အသး​ဘၣ်. ဘၣ်ဆၣ်​ ပ​မ့ၢ်​မၤ ယဟိဝၤ​ယွၤ​အ​တၢ်မၤ​လၢ အဂ့ၤ​ကတၢၢ်​န့ၣ်​ ပ​ကအိၣ်​ဒီး​တၢ်သးခု​လီၤ. (ကလၤ. ၆:၄; ကလီး. ၃:၂၃) ပူၤကွံာ်​အ​နံၣ်​အါမး​တုၤ​ခဲအံၤ​န့ၣ်​ ဒီပုၢ်ဝဲၢ်​မုၣ်​ခွါ​လၢ အ​ကထိ​တဖၣ်​ မၤတ့ၢ်​တၢ်​လၢ​ဘ့ၤသ့လး​လီၤ. မ့ၢ်​န​မၤစၢၤ​တၢ်​လၢ ဘ့ၤသ့လး​က​သ့ဧါ. န​မၤ​မ့ၢ်​တ​သ့​ဘၣ်​ သနာ်က့ န​ဟ့ၣ်ဂံၢ်​ဟ့ၣ်ဘါ ပှၤ​တဂၤဂၤ​လၢ က​လဲၤ​မၤတၢ်​လၢ ဘ့ၤသ့လး မ့တမ့ၢ် ဒ်သိး​ပှၤလၢ​အ​မၤတၢ်​လၢ ဘ့ၤသ့လး​တဂၤ ဆဲး​မၤ​အ​တၢ်မၤ​က​န့ၢ်​အဂီၢ် န​မၤစၢၤ​အီၤ​က​သ့ဧါ.

ကွၢ်​တၢ်ဂီၤမူ​လၢ အ​ခိၣ်တီ​မ့ၢ်ဝဲ အိၣ်​ကတဲာ်​ကတီၤ​န​သး​လၢ ဘ့ၤသ့လး တၢ်မၤ​အဂီၢ် ဒီး​စံးဆၢ တၢ်​သံကွၢ်​လၢ လာ်​တဖၣ်​အံၤ​တက့ၢ်–

• တၢ်မနုၤ​ကြၢး​ထိၣ်ဟူး​ထိၣ်ဂဲၤ​ထီၣ်​နၤ​လၢ န​က​လဲၤ​မၤတၢ်​လၢ ဘ့ၤသ့လး​လဲၣ်.

• ပှၤ​တနီၤ​တဲဖျါထီၣ်​ဝဲ တၢ်​ဆိၣ်ဂ့ၤ​လၢ​အ​ဒိးန့ၢ်​ဘၣ်​ဝဲ​လၢ အ​လဲၤ​မၤတၢ်​လၢ ဘ့ၤသ့လး အဂ့ၢ်​ဒ်လဲၣ်.

• ပှၤလၢ​က​လဲၤ​မၤတၢ်​လၢ ဘ့ၤသ့လး​တဖၣ်​ က​ဘၣ်​အိၣ်ဒီး တၢ်ဂ့ၤ​တၢ်ဝါ မနုၤ​တဖၣ်​လဲၣ်.

• ဒ်သိး​န​က​လဲၤ​မၤတၢ်​လၢ ဘ့ၤသ့လး​အဂီၢ် န​တီၢ်ထီၣ်​ လံာ်ပတံထီၣ်​က​သ့​ဒ်လဲၣ်.