တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | တံတူး ၁–ဖံၤလ့မိၣ်
“ပာ်ထီၣ် တၢ်အိၣ်ဖှိၣ်သးပှၢ်တဖၣ်”
စီၤတံတူးန့ၣ် ဒိးန့ၢ်ဘၣ်မူဒါလၢ “ကပာ်ထီၣ်ပှၤသူၣ်က့သးပှၢ်လၢ ဝ့ၢ်ကိးဖျၢၣ်ဒဲးအပူၤ” လီၤ. မုၢ်မဆါတနံၤအံၤစ့ၢ်ကီး ဒ်လံာ်စီဆှံ အတၢ်ဟံးစုနဲၣ်ကျဲအိၣ်ဝဲအသိး ကဝီၤအပှၤကွၢ်တၢ်တဖၣ် လဲၤဆူတၢ်အိၣ်ဖှိၣ်တဖၣ် ဒီးပာ်ထီၣ်ဝဲ တၢ်အိၣ်ဖှိၣ်သးပှၢ်တဖၣ်လီၤ.
ပှၤပၢဆှၢတၢ်ကမံးတံာ်
ဒ်ခရံာ်ဖိလၢညါတဖၣ်အသိး ပှၤပၢဆှၢတၢ်ကမံးတံာ် ဟ့ၣ်လီၤဝဲ ကဝီၤအပှၤကွၢ်တၢ်တဖၣ် မူဒါအရ့ဒိၣ်လၢ ကပာ်ထီၣ်ဝဲ တၢ်အိၣ်ဖှိၣ်သးပှၢ်တဖၣ် ဒီးတၢ်အိၣ်ဖှိၣ်အပှၤမၤစၢၤတၢ်တဖၣ်အဂီၢ်လီၤ.
ကဝီၤအပှၤကွၢ်တၢ်တဖၣ်
ကဝီၤအပှၤကွၢ်တၢ်တဂၤစုာ်စုာ် ကဘၣ်ဃ့ဘါထုကဖၣ် ဒီးကဘၣ်ဆိကမိၣ်ထံဝဲ တၢ်အိၣ်ဖှိၣ်သးပှၢ်တဖၣ် အတၢ်ဟ့ၣ်ကူၣ်ဟ့ၣ်ဖး လီၤတံၢ်လီၤဆဲး ဒီးပာ်ထီၣ်ပှၤပိာ်ခွါလၢ အတုၤထီၣ်ထီၣ်ဘးတဖၣ်လီၤ.
တၢ်အိၣ်ဖှိၣ်သးပှၢ်လၢ ဘၣ်တၢ်ပာ်ထီၣ်အီၤတဖၣ်
ပှၤလၢအကဲထီၣ် တၢ်အိၣ်ဖှိၣ်သးပှၢ်တဖၣ်န့ၣ် ကဘၣ်ဆဲးမၤဝဲ ဒ်သိးကအိၣ်ဒီးတၢ်ဂ့ၤတၢ်ဝါလၢ လံာ်စီဆှံပာ်ဖျါထီၣ်ဝဲလၢ တၢ်အိၣ်ဖှိၣ်သးပှၢ်တဖၣ် ကဘၣ်တုၤထီၣ်ထီၣ်ဘးဝဲန့ၣ်လီၤ.
