အိၣ်မူဒ် ခရံာ်ဖိအသိး
ဖဲတၢ်ဆီတလဲအိၣ်ထီၣ်အခါ ဆိးသီဒီးသးဆူၣ်လၢ နီၢ်သးတခီထီဘိ
လီၤဆီဒၣ်တၢ် မုၢ်နံၤအခံကတၢၢ်အတီၢ်ပူၤအံၤ တၢ်ဆီတလဲန့ၣ် မ့ၢ်တၢ်လၢပဟးဆှဲးအီၤတသ့ဘၣ်. (၁ ကရံၣ်. ၇:၃၁) တၢ်ဆီတလဲတဖၣ်န့ၣ် ပမုၢ်လၢ်မ့ၢ်ဂ့ၤ, တမုၢ်လၢ်မ့ၢ်ဂ့ၤ, ဂ့ၤမ့ၢ်ဂ့ၤ, အၢမ့ၢ်ဂ့ၤ မၤတံာ်တာ် ပတၢ်ဘူၣ်ထီၣ်ဘါထီၣ် မ့တမ့ၢ် မၤဘၣ်ဒိ ပတၢ်ရ့လိာ်သးဒီး ယဟိဝၤယွၤသ့ဝဲလီၤ. ဖဲတၢ်ဆီတလဲ အိၣ်ထီၣ်အခါ ပကအိၣ်ဒီး တၢ်သူၣ်ဆူၣ်သးဆူၣ်လၢ နီၢ်သးတခီဒီး ဆိးသီထီဘိအဂီၢ် တၢ်မနုၤကမၤစၢၤပှၤလဲၣ်. ကွၢ်တၢ်ဂီၤမူ လၢအခိၣ်တီမ့ၢ် ဖဲနသုးလီၢ်သုးကျဲအခါ ပၢၤဃာ်နတၢ်ရ့လိာ်သးဒီးယဟိဝၤယွၤဂၢၢ်ဂၢၢ်ကျၢၤကျၢၤ ဒီးစံးဆၢတၢ်သံကွၢ်လၢလာ်တဖၣ်အံၤ–
-
ဒီပုၢ်ဝဲၢ်ခွါတဂၤ ဟ့ၣ်ကူၣ်ဝဲ ပၢ်တဂၤ တၢ်ဟ့ၣ်ကူၣ်မနုၤလဲၣ်.
-
တၢ်သိၣ်တၢ်သီလၢ မးသဲ ၇:၂၅ အပူၤန့ၣ် အဘျုးအိၣ်လၢ ဟံၣ်ဖိဃီဖိတဒူၣ်န့ၣ်အဂီၢ်ဒ်လဲၣ်.
-
လၢတၢ်သုးလီၢ်သုးကျဲအဂီၢ် ဟံၣ်ဖိဃီဖိတဖၣ် ရဲၣ်ကျဲၤပာ်ဝဲဒ်လဲၣ်, ဒီးတၢ်ရဲၣ်တၢ်ကျဲၤအံၤ ကဲထီၣ်တၢ်မၤစၢၤလၢ အဝဲသ့ၣ်အဂီၢ်ဒ်လဲၣ်.
-
တၢ်မနုၤကမၤစၢၤ ဟံၣ်ဖိဃီဖိတဖၣ်လၢ ကတူၢ်လိာ် တၢ်ဆီတလဲတဖၣ်လၢ တၢ်အိၣ်ဖှိၣ်အပူၤ ဒီးဟီၣ်ကဝီၤပူၤန့ၣ်လဲၣ်.
တၢ်ဆီတလဲဖးဒိၣ်လၢ ယကွၢ်ဆၢၣ်မဲာ်ဘၣ် အခဲအံၤန့ၣ် မ့ၢ်မနုၤလဲၣ်
တၢ်သိၣ်တၢ်သီလၢ ယထံၣ်ဘၣ်လၢ တၢ်ဂီၤမူအံၤအပူၤန့ၣ် ယမၤထွဲအီၤကသ့ဒ်လဲၣ်.
