လါနိၣ်ဝ့ဘၢၣ် ၃၀–လါဒံၣ်စ့ဘၢၣ် ၆ အိၣ်မူဒ် ခရံာ်ဖိအသိး
တၢ်မၤဂ့ၤထီၣ် ပတၢ်သ့တၢ်ဘၣ်လၢ တၢ်သးခုကစီၣ်တၢ်မၤအပူၤ—တၢ်စံၣ်တဲၤတဲလီၤတၢ်လၢ လီတဲစိ
ဘၣ်မနုၤအဃိအရ့ဒိၣ်– တၢ်စံၣ်တဲၤတဲလီၤတၢ်လၢ လီတဲစိန့ၣ် မ့ၢ်ကျဲအရ့ဒိၣ်တဘိလၢ ‘ပကအုၣ် ပသးလီၤတံၢ်လီၤဆဲးလၢ ယွၤအဘျုးအဖှိၣ်အတၢ်သးခုအကစီၣ်’ အဂီၢ်လီၤ. (မၤတၢ်. ၂၀:၂၄) * ပလဲၤစံၣ်တဲၤတဲလီၤတၢ် ဒီးလဲၤအိၣ်သကိးပှၤဂၤလၢ ပနီၢ်ကစၢ်တသ့ဝဲ အဆၢကတီၢ်အိၣ်ဝဲလီၤ.
ပမၤကသ့ဒ်လဲၣ်–
-
ကတဲာ်ကတီၤပာ်. ဃုထၢတၢ်ဂ့ၢ်တခါလၢ အကြၢးဝဲဘၣ်ဝဲ. ဝံၤတၢ်လၢနအဲၣ်ဒိး တဲတဖၣ်န့ၣ် ကွဲးလီၤတက့ၢ်. တဘျီတခီၣ်န့ၣ် နကကိးဘၣ် လီတဲစိလၢ အစံးဆၢက့ၤဒၣ်အတၢ်လီၤ. အဃိ နကဘၣ်ကတဲာ်ကတီၤပာ် တၢ်ဂ့ၢ်ဖုၣ်ကိာ်လၢ နကတဲနၢ်ပၢၢ် နတၢ်တိာ်ပာ်လၢ နကိးလီတဲစိအဂီၢ်န့ၣ်လီၤ. ကတဲာ်ကတီၤဃာ် တၢ်ဂ့ၢ်လၢနကွဲးပာ်အီၤ ဒီးတၢ်ပီးတၢ်လီလၢ နကအိးထီၣ် JW Library® မ့တမ့ၢ် jw.org® အဂီၢ် လၢစီၤနီၤခိၣ်အလိၤ ဒီးနမ့ၢ်ဆ့ၣ်နီၤဒီးတဲသကိးတၢ်န့ၣ် ကဂ့ၤဝဲလီၤ.
-
တဘၣ်သူၣ်ကိၢ်သးဂီၤတၢ်တဂ့ၤ. တဲတၢ်ဒ် နတဲညီနုၢ်အသိးတက့ၢ်. နံၤကမှံ ဒီးတဲတၢ်ဒ် နတဲတၢ်ဒီးအီၤလၢ မဲာ်သကိးမဲာ်အသိးတက့ၢ်. ဖဲနတဲတၢ်အခါ အလီၢ်မ့ၢ်တအိၣ်ဘၣ်န့ၣ် တဘၣ်အိၣ်ပတုာ်ခဲအံၤခဲအံၤတဂ့ၤ. နမ့ၢ်ကိးဃုာ်ဒီး ပှၤအဂၤတဂၤန့ၣ် ကကဲထီၣ်တၢ်မၤစၢၤဖးဒိၣ်လီၤ. ဟံၣ်ကစၢ် မ့ၢ်သံကွၢ်တၢ်န့ၣ် တဲက့ၤအီၤလၢ နကလုၢ်ဒိၣ်ဒိၣ်တက့ၢ်. နမ့ၢ်မၤဒ်န့ၣ်န့ၣ် နတံၤသကိး ဃုန့ၢ်နၤ တၢ်စံးဆၢသ့လီၤ.
-
ဒုးအိၣ်ထီၣ်တၢ်ခွဲးတၢ်ယာ်လၢ နကက့ၤအိၣ်သကိး ဟံၣ်ကစၢ်. ပှၤလၢနတဲတၢ်ဒီးအီၤတဂၤ မ့ၢ်သူၣ်အိၣ်သးအိၣ်တၢ်န့ၣ် သံကွၢ်အီၤ တၢ်သံကွၢ်တဖျၢၣ်လၢ လၢခံတဘျီ နကကိးအီၤ လီတဲစိအဂီၢ်တက့ၢ်. နတဲအီၤလၢ နကဆှၢန့ၢ်အီၤ လံာ်တဘ့ၣ် လၢအံမ့(လ်) မ့တမ့ၢ် နကလဲၤဆှၢလၢ နနီၢ်ကစၢ်သ့လီၤ. တကးဒံးဘၣ် နဆှၢန့ၢ်အီၤ တၢ်ဂီၤမူ မ့တမ့ၢ် တၢ်ဂ့ၢ်တခါ လၢ မဲးစ့း မ့တမ့ၢ် အံမ့(လ်) သ့စ့ၢ်ကီးလီၤ. မ့ၢ်သ့န့ၣ် ပၠးအီၤတၢ်ဂ့ၢ်တခါခါလၢ အအိၣ်လၢ ပပှာ်ယဲၤသန့အပူၤတက့ၢ်.
^ လံာ်အဆၢ. 3 လၢပလီၢ်ကဝီၤအပူၤ ပစံၣ်တဲၤတဲလီၤတၢ်လၢ လီတဲစိပူၤမ့ၢ်သ့န့ၣ် ပကဘၣ်မၤထွဲအီၤ ဒ်ပှၤနီၢ်ကစၢ်တၢ်ဂ့ၢ်တၢ်ဘျၢအိၣ်ဝဲအသိးလီၤ.
