တၢ်ကတိၤအိးထီၣ် အကူာ် ၃
ဖဲထံလုၢ်ဘၢတၢ် ဝံၤအလီၢ်ခံ လံာ်စီဆှံ ပာ်ဖျါထီၣ်ဝဲလၢ ပှၤလၢအဘူၣ်ထီၣ်ဘါထီၣ် ယဟိဝၤယွၤန့ၣ် အိၣ်ထဲစှၤကိာ်ဂၤ. လၢအဝဲသ့ၣ်အကျါန့ၣ် စီၤအၤဘြၤဟၣ် မ့ၢ်ပှၤတဂၤလၢ ဘၣ်တၢ်သ့ၣ်ညါအီၤလၢ ယဟိဝၤယွၤအတံၤသကိး. ဘၣ်မနုၤအဃိ စီၤအၤဘြၤဟၣ် ဘၣ်တၢ်ကိးအီၤလၢ ယဟိဝၤယွၤ အတံၤသကိးလဲၣ်. သုမ့မ့ၢ်မိၢ်ပၢ်န့ၣ် မၤစၢၤသုဖိဒ်သိး ကနၢ်ပၢၢ်ထီၣ်ဝဲလၢ ယဟိဝၤယွၤ သးအိၣ်ဝဲ စီၤအၤဘြၤဟၣ် ဒီးအဲၣ်ဒိးမၤစၢၤအီၤ. ဒ်စီၤအၤဘြၤဟၣ်, စီၤလိာ် ဒီးစီၤယၤကိာ်အသိး ပဃ့တၢ်မၤစၢၤလၢ ယဟိဝၤယွၤအအိၣ် သ့ဝဲ. ပနာ်သ့သပှၢ်ကတၢၢ်လၢ ယဟိဝၤယွၤ ကမၤလၢထီၣ်ပှဲၤထီၣ်ဝဲ အတၢ်အၢၣ်လီၤကိးခါဒဲး.
တၢ်ဂ့ၢ်လၢလာ်တဖၣ်
တၢ်မၤလိ ၇
တၢးဘၤဘ့းလး
ပှၤဟီၣ်ခိၣ်ဖိတဖၣ်ဆၢတဲာ်လီၤအသးလၢ ကတ့ထီၣ်ဝဲတၢးဖးထီတဖျၢၣ်လၢ အထီတုၤလၢမူ. ဘၣ်မနုၤအဃိ ကစၢ်ယွၤ ဆီတလဲ ပှၤဟီၣ်ခိၣ်ဖိ အတၢ်ကတိၤအကျိာ် တဘျီဃီလဲၣ်.
တၢ်မၤလိ ၈
နီၢ်စၤရါဒီးစီၤအၤဘြၤဟၣ် ဒိကနၣ်ကစၢ်ယွၤအကလုၢ်
ဘၣ်မနုၤအဃိ စီၤအၤဘြၤဟၣ်ဒီးနီၢ်စၤရါ ဟးထီၣ်လၢ အတၢ်အိၣ်တၢ်ဆိးအလီၢ် ဒီးလဲၤအိၣ်ဝဲဆူ ကီၢ်ကနၤဧၣ်လဲၣ်.
တၢ်မၤလိ ၉
ဖိခွါတဂၤအိၣ်ဖျဲၣ်ထီၣ်လံ
ကစၢ်ယွၤမၤလၢပှဲၤထီၣ် အတၢ်အၢၣ်လီၤဒီး စီၤအၤဘြၤဟၣ်ဒ်လဲၣ်. စီၤအၤဘြၤဟၣ်အဖိခွါလၢ အပၣ်ဃုာ်လၢတၢ်အၢၣ်လီၤအီလီၤအပူၤန့ၣ် မ့ၢ်စီၤအံၤစဲး မ့တမ့ၢ် စီၤယံးၡမၤဧ့လးဧါ.
တၢ်မၤလိ ၁၀
သ့ၣ်နီၣ်ထီၣ်က့ၤ စီၤလိာ်အမါ
ကစၢ်ယွၤဒုးလီၤ မ့ၣ်အူဒီးကးလၢ ဝ့ၢ်စဒိၣ်ဒီးဂမိရၤအဖီခိၣ်. ဘၣ်မနုၤအဃိ ဝ့ၢ်တဖၣ်အံၤ ဘၣ်တၢ်မၤဟးဂီၤအီၤလဲၣ်. ဘၣ်မနုၤအဃိ ပဘၣ်သ့ၣ်နီၣ်ထီၣ်က့ၤ စီၤလိာ်အမါလဲၣ်.
တၢ်မၤလိ ၁၁
တၢ်မၤကွၢ်စီၤအၤဘြၤဟၣ်အတၢ်နာ်
ကစၢ်ယွၤတဲဘၣ်စီၤအၤဘြၤဟၣ်လၢ ‘ကိးထီၣ်နဖိခွါစီၤအံၤစဲး ဒီးလဲၤလုၢ်ထီၣ်အီၤဆူ ကီၢ်မိၤရံယၤအကစၢၢ်ခိၣ်.’ စီၤအၤဘြၤဟၣ်အတၢ်နာ် ဘၣ်တၢ်မၤကွၢ်အီၤဒ်လဲၣ်.
တၢ်မၤလိ ၁၂
စီၤယၤကိာ်ဒိးန့ၢ်ဘၣ်တၢ်န့ၢ်သါ
စီၤအံၤစဲးဒီးနီၢ်ရံးဘကၤ အိၣ်ဒီးအဖိခွါတဃံာ်ခံဂၤ အမံၤလၢစီၤဧ့ၡီၤဒီးစီၤယၤကိာ်. ခီဖျိလၢ စီၤဧ့ၡီၤမ့ၢ်ဖိဝဲၢ်ကိ အဃိ ကဒိးန့ၢ်ဘၣ်ဝဲ တၢ်န့ၢ်သါ. ဘၣ်မနုၤအဃိ စီၤဧ့ၡီၤလဲကွံာ် ဖိဝဲၢ်ကိအလီၢ်လၢ ကသူတခွးလဲၣ်.
တၢ်မၤလိ ၁၃
စီၤယၤကိာ်ဒီးစီၤဧ့ၡီၤ မၤဃူဖိးလိာ်က့ၤသး
စီၤယၤကိာ် ဒိးန့ၢ်ဘၣ်တၢ်ဆိၣ်ဂ့ၤ လၢမူခိၣ်ကလူးအအိၣ် ဒ်လဲၣ်. ဒီးစီၤယၤကိာ် မၤဃူမၤဖိးလိာ်က့ၤအသးဒီး စီၤဧ့ၡီၤလၢကျဲဒ်လဲၣ်.
