တၢ်ဂ့ၢ်လၢနကတဲန့ၣ်​ ဃုသ့ၣ်ညါအီၤလီၤတံၢ်လီၤဆဲးတက့ၢ်. ဒ်သိးနၡဲပၠးပှၤဂၤလၢ နနီၢ်ကစၢ်တၢ်ကတိၤ ဒီးပှၤနၢ်ပၢၢ်အီၤကညီအဂီၢ် နကဘၣ်နၢ်ပၢၢ်ဆိ တၢ်ဂ့ၢ်တၢ်ကျိၤလၢ နကတဲအီၤတဖၣ်​ လီၤတံၢ်လီၤဆဲးလီၤ.

သူလံာ်ကျိၤဖုၣ်ဖုၣ်ဒီး တၢ်ကတိၤလၢပှၤနၢ်ပၢၢ်ဘၣ်ညီ. ဖဲနကပာ်ဖျါထီၣ်​ တၢ်ဂ့ၢ်လၢအရ့ဒိၣ်အခါ လၢနကသူလံာ်ကျိၤဖးထီအလီၢ် သူလံာ်ကျိၤလၢအဖုၣ်​ ဒီးပှၤနၢ်ပၢၢ်ဘၣ်အီၤညီတက့ၢ်.

တၢ်ကတိၤလၢ ပှၤတသူညီနုၢ်အီၤတဖၣ်န့ၣ်​ တဲနၢ်ပၢၢ်အခီပညီတက့ၢ်. တၢ်အဒိလၢပှၤဒိကနၣ်တၢ်ဖိ မ့ၢ်တသ့ၣ်ညါဘၣ်န့ၣ်​ တဘၣ်သူအီၤတဂ့ၤ. နမ့ၢ်ဘၣ်ပာ်ဖျါထီၣ်​ တၢ်တမံၤမံၤလၢ ပှၤတသ့ၣ်ညါအီၤဂ့ၤဂ့ၤ ဒ်သိးဒီးပှၤလၢအိၣ်လၢ လံာ်စီဆှံအပူၤအဂ့ၢ်, နီၣ်ထိၣ်နီၣ်ဒွးဒီး လုၢ်လၢ်လၢပျၢၤတဖၣ်န့ၣ်​ ၡဲပၠးအီၤတက့ၢ်.