ယိၤဘး ၂၅:၁-၆
၂၅ ပှၤၡူဧၤဖိ စီၤဘံးလဒး+ တဲဆၢဝဲလၢ
၂ “ကစၢ်ယွၤန့ၣ် လီၤပျံၤလီၤဖုး ဒိၣ်မး ဒီးအဝဲပၢဘၣ်တၢ်လီၤ.
အဝဲဒုးအိၣ်ထီၣ် တၢ်မုာ်တၢ်ခုၣ်လၢ မူခိၣ်လီၤ.
၃ အသုးမုၢ်သံၣ်ဘိတဖၣ်န့ၣ် ပှၤဂံၢ်အီၤကဘၣ်ဧါ.
ဒီးပှၤလၢ ကစၢ်ယွၤ အတၢ်ကပီၤ တဆဲးလီၤဘၣ်လၢအလိၤန့ၣ် အိၣ်တဂၤဂၤဧါ.
၄ မ့မ့ၢ်ဒ်န့ၣ်န့ၣ် ပှၤဟီၣ်ခိၣ်ဖိ တီဝဲလိၤဝဲလၢ ကစၢ်ယွၤ အမဲာ်ညါကသ့ဧါ.+
ဒီးပှၤလၢ ပိာ်မုၣ် အိၣ်ဖျဲၣ်ထီၣ်အီၤန့ၣ် အတၢ်ကမၣ် တအိၣ်ဘၣ် ကသ့ဒ်လဲၣ်.+
၅ လၢအတၢ်ထံၣ်န့ၣ် လါဒၣ်လဲာ် တကပီၤဘၣ်ဒီးဆၣ်တဖၣ် တစီဆှံဘၣ်.
၆ မ့မ့ၢ် ပှၤဟီၣ်ခိၣ်ဖိလၢ အလီၤဂာ် ဒ်လၢၣ်ဒီးပှၤကညီလၢ အလီၤဂာ်ဒ် ထိးကလဲာ်အသိးန့ၣ် ကနးန့ၢ် အန့ၣ်သၢၤ.”
