စံးထီၣ်ပတြၢၤ ၉၈:၁-၉
-
ယဟိဝၤယွၤ မ့ၢ်ပှၤလၢ အအုၣ်က့ၤခီၣ်က့ၤတၢ် ဒီးစံၣ်ညီၣ်ကွီၢ်လၢအတီအလိၤ
-
ယဟိဝၤယွၤ ဒုးသ့ၣ်ညါပှၤဂၤလၢ အတၢ်အုၣ်က့ၤခီၣ်က့ၤအဂ့ၢ် (၂, ၃)
-
ထါသးဝံၣ်.
၉၈ သးဝံၣ်ထီၣ် ယဟိဝၤယွၤလၢ တၢ်သးဝံၣ်အသီတယုၢ်,+မ့ၢ်လၢအမၤတၢ်လၢ အလီၤလိၢ်လီၤလးတဖၣ်အဃိလီၤ.+
အဝဲအုၣ်က့ၤခီၣ်က့ၤတၢ် ခီဖျိလၢ အစုထွဲ လၢအမ့ၢ် အစုဒုၣ်စီဆှံလီၤ.+
၂ ယဟိဝၤယွၤ ဒုးသ့ၣ်ညါပှၤဂၤလၢ အတၢ်အုၣ်က့ၤခီၣ်က့ၤ+ဒီးပာ်ဖျါထီၣ် အတၢ်တီတၢ်လိၤလၢ ပှၤကလုာ်တဖၣ် အအိၣ်လီၤ.+
၃ အဝဲ သ့ၣ်နီၣ်ထီၣ် အတၢ်အၢၣ်လီၤလၢ အကပာ်ဖျါထီၣ် တၢ်အဲၣ်လၢအတီလၢ ပှၤအံၣ်စရ့လးဖိ အဖီခိၣ်လီၤ.+
ပှၤခဲလၢာ်လၢ ဟီၣ်ခိၣ်ချၢန့ၣ် ထံၣ်ဘၣ်တ့ၢ် ပကစၢ်ယွၤ အတၢ်အုၣ်က့ၤခီၣ်က့ၤလံ.+
၄ ပှၤဟီၣ်ခိၣ်ဖိ ခဲလၢာ်သ့ၣ်ဧၢ, ကိးပသူထီၣ်လၢ ယဟိဝၤယွၤအအိၣ်လၢ တၢ်သးခုအပူၤတက့ၢ်.
သူၣ်ဖှံသးညီ, သးဝံၣ်စံးထီၣ်ပတြၢၤအီၤ ဒီးကိးပသူထီၣ်လၢ တၢ်သူၣ်ဖှံသးညီအပူၤတက့ၢ်.+
၅ ဒ့တနၢ် ဒီးသးဝံၣ်စံးထီၣ်ပတြၢၤ ယဟိဝၤယွၤလၢတၢ်သးဝံၣ်တက့ၢ်.
၆ လၢတၢ်သးခုအပူၤ ကိးပသူထီၣ်လၢ စီၤပၤလၢအမ့ၢ် ယဟိဝၤယွၤ အမဲာ်ညါဒီးအူသီၣ်ထီၣ် ကွဲၤတဖၣ်တက့ၢ်.+
၇ မ်ပီၣ်လဲၣ် ဒီးတၢ်အိၣ်လၢအပူၤခဲလၢာ်န့ၣ် သီၣ်ထီၣ်လၢ အကလုၢ်ဖးဒိၣ်ဒီးမ်ဟီၣ်ခိၣ် ဒီးပှၤလၢအိၣ်လၢအပူၤန့ၣ် ကိးပသူထီၣ်လၢ တၢ်သးခုအပူၤစ့ၢ်ကီးတက့ၢ်.
၈ မ်ထံကျိတဖၣ် ဒဲအစုဒီးမ်ကစၢၢ်တဖၣ် ကိးပသူထီၣ်သကိးလၢ တၢ်သးခုအပူၤ+
၉ လၢယဟိဝၤယွၤ အမဲာ်ညါ, မ့ၢ်လၢ အဝဲဟဲဝဲ ဒ်သိး ကစံၣ်ညီၣ် ဟီၣ်ခိၣ်လီၤ.
ကစၢ်ယွၤ ကစံၣ်ညီၣ် ပှၤလၢအအိၣ်လၢ ဟီၣ်ခိၣ်လၢ တၢ်တီတၢ်လိၤအပူၤ+ဒီးကစံၣ်ညီၣ် ပှၤဂီၢ်မုၢ် တီတီလိၤလိၤလီၤ.+
