စံးထီၣ်ပတြၢၤ ၆၂:၁-၁၂
လၢတၢ်သူၣ်ဝံၣ်သးဆၢအခိၣ်အဂီၢ်, ဒ် ယဒူသူၣ်* အသီၣ်အိၣ်ဝဲအသိး. စီၤဒၤဝံးအထါ.
၆၂ ယကအိၣ်ဘှ့ၣ်ဒီး အိၣ်ခိးကစၢ်ယွၤလီၤ.
အဝဲ ကအုၣ်က့ၤခီၣ်က့ၤယၤလီၤ.+
၂ ကစၢ်ယွၤမ့ၢ်ဝဲ ယလၢၢ်, ယတၢ်အုၣ်က့ၤခီၣ်က့ၤ ဒီးယတၢ်အိၣ်သဒၢအလီၢ် လၢအကျၢၤလီၤ.+
အဃိ ယကဆၢထၢၣ် ဂၢၢ်ဂၢၢ်ကျၢၤကျၢၤ ထီဘိလီၤ.+
၃ သုမ့ၢ်အဲၣ်ဒိးမၤသံ ပှၤတဂၤဂၤန့ၣ် သုကမၤဒၢၣ်မၤဆါအီၤ ယံာ်ဒံးထဲလဲၣ်.+
သုဝဲကိးဂၤဒဲးန့ၣ် လီၤဘၣ်ယိၣ် ထဲသိးဒီးတၢ်ဒူၣ်လၢ အဘူးကလီၤပှီၢ်လံ.
၄ သုတၢၣ်ပီၣ်တၢၣ်ပီသကိး ဒ်သိးသုကထုးလီၤအီၤ လၢအလီၢ်အလၤလၢ အထီ,သုလံၣ်တၢ်လီတၢ်မုာ်မး.သုဆိၣ်ဂ့ၤအီၤလၢ သုထးခိၣ် ဘၣ်ဆၣ် သုဆိၣ်အၢအီၤလၢ သုသးပူၤလီၤ.+ (စ့လၤ)
၅ ယကအိၣ်ဘှ့ၣ်ဒီး အိၣ်ခိးကစၢ်ယွၤ,+မ့ၢ်လၢ အဝဲမ့ၢ် ယတၢ်မုၢ်လၢ် အဂံၢ်ခီၣ်ထံး အဃိလီၤ.+
၆ ကစၢ်ယွၤမ့ၢ်ဝဲ ယလၢၢ်, ယတၢ်အုၣ်က့ၤခီၣ်က့ၤ ဒီးယတၢ်အိၣ်သဒၢအလီၢ် လၢအကျၢၤလီၤ.
အဃိ ယကဆၢထၢၣ် ဂၢၢ်ဂၢၢ်ကျၢၤကျၢၤ ထီဘိလီၤ.+
၇ ယတၢ်အုၣ်က့ၤခီၣ်က့ၤ ဒီးယတၢ်လၤကပီၤန့ၣ် ဟဲလၢ ကစၢ်ယွၤ အအိၣ်လီၤ.
ကစၢ်ယွၤ မ့ၢ်ဝဲ လၢၢ်လၢအကျၢၤလၢယဂီၢ် ဒီးယတၢ်အိၣ်သဒၢအလီၢ်လီၤ.+
၈ အိ ပှၤဂီၢ်မုၢ်သ့ၣ်ဧၢ, နာ်န့ၢ် ကစၢ်ယွၤ ထီဘိတက့ၢ်.
တဲဖျါထီၣ် သုတၢ်တူၢ်ဘၣ်ခဲလၢာ် လၢအအိၣ်တက့ၢ်.+
ကစၢ်ယွၤ မ့ၢ်ဝဲ ပတၢ်အိၣ်သဒၢအလီၢ်လီၤ.+ (စ့လၤ)
၉ ပှၤဟီၣ်ခိၣ်ဖိန့ၣ် မ့ၢ်ဒၣ် တၢ်သါလီၤထဲတထံၣ်လီၤ.
ပှၤဟီၣ်ခိၣ်ဖိန့ၣ် တၢ်နာ်န့ၢ်အီၤတသ့ဘၣ်.+
တၢ်မ့ၢ်စီၤအဝဲသ့ၣ်လၢ စီၤပီၢ်ပူၤန့ၣ် အဝဲသ့ၣ် ဖှံဒိၣ်န့ၢ်ဒံး တၢ်သါလီၤထဲတထံၣ်လီၤ.+
၁၀ တဘၣ်သန့ၤသုသးလၢ တၢ်ဆီၣ်တံၢ်မၤနၢၤ ဒ်သိးသုကထူးထီၣ်တီၤထီၣ်အဂီၢ်တဂ့ၤ.
တဘၣ်မုၢ်လၢ်ကမၣ်လၢ သုကန့ၢ်တၢ်ထူးတၢ်တီၤ ခီဖျိ သုဟုၣ်ပှၤဂၤအတၢ်န့ၣ်တဂ့ၤ.
သုတၢ်ထူးတၢ်တီၤ မ့ၢ်အါထီၣ်သနာ်က့ တဘၣ်သးစၢၢ်ဆၢ တၢ်သ့ၣ်တဖၣ်န့ၣ်တဂ့ၤ.+
၁၁ ယနၢ်ဟူ ကစၢ်ယွၤ တဲဝဲခံဘျီလၢတၢ်ဂံၢ်တၢ်ဘါန့ၣ် မ့ၢ်ကစၢ်ယွၤအတၢ်လီၤ.+
၁၂ အိ ယဟိဝၤယွၤဧၢ, တၢ်အဲၣ်လၢအတီစ့ၢ်ကီး မ့ၢ်နတၢ်လီၤ.+
နဟ့ၣ်ဆၢက့ၤ ပှၤတဂၤစုာ်စုာ် ဒ်တၢ်လၢအမၤဝဲအသိးလီၤ.+
တၢ်ဂ့ၢ်အဘျဲၣ်တဖၣ်
^ ကွၢ် တၢ်ကတိၤအခီပညီ.
