စံးထီၣ်ပတြၢၤ ၃၄:၁-၂၂
စီၤဒၤဝံးအထါ, ဘၣ်ဃးဒီး ဆၢကတီၢ်ဖဲ စီၤဒၤဝံး ပာ်မၤအသး ဒ်ပှၤပျုၢ်တဂၤအသိး+ လၢစီၤအဘံၤမ့လ့း အမဲာ်ညါလီၤ. ဒီးစီၤအဘံၤမ့လ့း နီဟးထီၣ်ကွံာ်အီၤ ဒီးစီၤဒၤဝံး ဟးထီၣ်ကွံာ်ဝဲလီၤ.
א *
၃၄ ယကစံးထီၣ်ပတြၢၤ ယဟိဝၤယွၤ ကိးဆၢကတီၢ်ဒဲးဒီးအတၢ်စံးထီၣ်ပတြၢၤန့ၣ် ကအိၣ်လၢ ယထးခိၣ်လိၤ ထီဘိလီၤ.
ב
၂ ယကပာ်ကဖၢလၢယသးလၢ ယဟိဝၤယွၤအပူၤလီၤ.+
ပှၤလၢအဆီၣ်လီၤသး ကနၢ်ဟူဝဲဒီး ကသူၣ်ခုသးခုဝဲလီၤ.
ג
၃ မ်ပမၤလၤကပီၤသကိး ယဟိဝၤယွၤ+ဒီးမ်ပပာ်ထီၣ်ထီသကိး ကစၢ်ယွၤ အမံၤတက့ၢ်.
ד
၄ ယသံကွၢ်တၢ်လၢ ယဟိဝၤယွၤ အအိၣ် ဒီးအဝဲစံးဆၢယၤ+ဒီးအဝဲမၤပူၤဖျဲးယၤလၢ တၢ်လၢအမၤပျံၤမၤဖုးယၤခဲလၢာ်လီၤ.+
ה
၅ ပှၤလၢ အကွၢ်တၢ်လၢ ကစၢ်ယွၤအအိၣ်န့ၣ် ကသူၣ်ဖှံသးညီဝဲလီၤ.
အဝဲသ့ၣ် တထံၣ်ဘၣ် တၢ်မဲာ်ဆှးဘၣ်.
ז
၆ ပှၤလၢအပတီၢ်ဖုၣ်တဂၤအံၤ ကိးထီၣ်တၢ် ဒီးယဟိဝၤယွၤ နၢ်ဟူဝဲလီၤ.
ဒီးကစၢ်ယွၤ မၤပူၤဖျဲးအီၤလၢ အတၢ်နးတၢ်ဖှီၣ်ခဲလၢာ်လီၤ.+
ח
၇ ယဟိဝၤယွၤ အမူခိၣ်ကလူး သူၣ်ဒဲဝးတရံး ပှၤလၢအပျံၤကစၢ်ယွၤလီၤ.+
ဒီးအဝဲမၤပူၤဖျဲး အဝဲသ့ၣ်လီၤ.+
ט
၈ လ့ၣ်ကွၢ် ဒီးထံၣ်လၢ ယဟိဝၤယွၤ မ့ၢ်တၢ်ဂ့ၤတက့ၢ်.+
ပှၤလၢ အဃုတၢ်အိၣ်သဒၢအလီၢ်လၢ ကစၢ်ယွၤအအိၣ်န့ၣ် ကသးခုဝဲလီၤ.
י
၉ ကစၢ်ယွၤ အပှၤစီဆှံ ခဲလၢာ်သ့ၣ်ဧၢ, ပျံၤယဟိဝၤယွၤတက့ၢ်.
ပှၤလၢအပျံၤအီၤတဖၣ်န့ၣ် ဒိးန့ၢ်ဘၣ်ဝဲ တၢ်လၢအလိၣ်ဘၣ် ခဲလၢာ်လီၤ.+
כ
၁၀ ခ့ယုၢ်ဖိလၢ အဂံၢ်ဆူၣ်ဘါဆူၣ်တဖၣ်ဒၣ်လဲာ် ကလီၤဒိ
မ့မ့ၢ် ပှၤလၢအဃု ယဟိဝၤယွၤန့ၣ် တၢ်အဂ့ၤလၢ အဝဲသ့ၣ် တဒိးန့ၢ်ဘၣ်ဝဲဘၣ်န့ၣ် တအိၣ်နီတမံၤဘၣ်.+
ל
၁၁ ဖိသ့ၣ်လံၤသ့ၣ်ဧၢ, ဟဲဒိကနၣ် ယကလုၢ်တက့ၢ်.
ယကသိၣ်လိသုလၢ တၢ်ပျံၤ ယဟိဝၤယွၤလီၤ.+
מ
၁၂ လၢသုကျါန့ၣ် မတဂၤအဲၣ်တၢ်မူ
ဒီးအဲၣ်ဒိးအိၣ်မူဖးယံာ် ပှဲၤဒီး တၢ်သးခုလဲၣ်.+
נ
၁၃ မ့မ့ၢ်ဒ်န့ၣ်န့ၣ် ပၢၤဃာ်သုပျ့ၤ ဒ်သိးသုသုတတဲတၢ်လၢ အအၢတဂ့ၤ+ဒီးပၢၤဃာ်သုပျုၤ ဒ်သိးသုသု တတဲလံၣ်တဲလီတၢ် တဂ့ၤန့ၣ်တက့ၢ်.+
ס
၁၄ ဃၣ်ကွံာ်သုသးလၢ တၢ်အၢ ဒီးမၤတၢ်ဂ့ၤတက့ၢ်.+
ဃုတၢ်ဃူတၢ်ဖိး ဒီးလူၤအီၤတက့ၢ်.+
ע
၁၅ ယဟိဝၤယွၤအမဲာ်ကွၢ် ပှၤတီ ပှၤလိၤ+ဒီးနၢ်ဟူအဝဲသ့ၣ် အတၢ်ကိးပသူထီၣ်လၢ တၢ်မၤစၢၤအဂီၢ်လီၤ.+
פ
၁၆ ဘၣ်ဆၣ် ယဟိဝၤယွၤ ထီဒါပှၤလၢ အမၤတၢ်အၢ,အဝဲသ့ၣ်ကသံ ဒီးပှၤလၢဟီၣ်ခိၣ်ချၢ တနီၣ်ဘၣ် အဝဲသ့ၣ်နီတဂၤ လၢၤဘၣ်.+
צ
၁၇ ပှၤတီပှၤလိၤတဖၣ် ကိးထီၣ်တၢ် ဒီး ယဟိဝၤယွၤ နၢ်ဟူဝဲလီၤ.+
ဒီးကစၢ်ယွၤ မၤပူၤဖျဲးအဝဲသ့ၣ်လၢ အတၢ်နးတၢ်ဖှီၣ် ခဲလၢာ်လီၤ.+
ק
၁၈ ယဟိဝၤယွၤ အိၣ်ဘူးဒီး ပှၤလၢ အသးသ့ၣ်ဖး+ဒီးအဝဲမၤပူၤဖျဲးပှၤလၢ အသး လီၤသဘှံးလီၤ.*+
ר
၁၉ ပှၤတီပှၤလိၤန့ၣ် ထံၣ်ဘၣ် တၢ်ကီ တၢ်ခဲအါမံၤ+ဘၣ်ဆၣ် ယဟိဝၤယွၤ မၤပူၤဖျဲးအီၤလၢ တၢ်သ့ၣ်တဖၣ်န့ၣ် ခဲလၢာ်လီၤ.+
ש
၂၀ အဃံတဖၣ်န့ၣ် ကစၢ်ယွၤ ဒီသဒၢဝဲဒီးအဃံတဘိမး တကၢ်ဘၣ်.+
ת
၂၁ တၢ်နးတၢ်ဖှီၣ် ကဘၣ်ပှၤအၢပှၤသီ ဒီးအဝဲသ့ၣ်ကသံလီၤ.
ပှၤလၢအသးဟ့ ပှၤတီပှၤလိၤန့ၣ် ကဘၣ်တၢ်ပာ်ဒ့ၣ်ပာ်ကမၣ်အီၤလီၤ.
၂၂ ယဟိဝၤယွၤ ပှ့ၤက့ၤ အခ့အပှၤတဖၣ် အသးသမူဒီးပှၤလၢအဃုတၢ်အိၣ်သဒၢအလီၢ်လၢ အအိၣ်န့ၣ် တဘၣ်တၢ်ပာ်ဒ့ၣ်ပာ်ကမၣ်အီၤ နီတဂၤဘၣ်.+
တၢ်ဂ့ၢ်အဘျဲၣ်တဖၣ်
^ မ့ၢ်ဝဲ ဧ့ၤဘြံၤ အလံာ်မိၢ်ပှၢ် အဆိကတၢၢ်တဖျၢၣ်လီၤ. လၢအခီၣ်ထံးခါန့ၣ် စံးထီၣ်ပတြၢၤတယုၢ်အံၤ ဘၣ်တၢ်ကွဲးအီၤ ဒ်လံာ်မိၢ်ပှၢ်အဖျၢၣ် အိၣ်ရဲၣ်လီၤအသးအသိး.
^ မ့ၢ်စ့ၢ်ကီး “သးဂံၢ်ဘါလီၤစၢ်.”
