တၢ်ဟ့ၣ်ကူၣ်လၢ တၢ်မၤလိအဂီၢ်
ကွၢ်တၢ်ဂီၤ ဒီးဟံးန့ၢ်တၢ်မၤလိ
ပတၢ်ကရၢကရိ လံာ်လဲၢ်တဖၣ်န့ၣ် ပၣ်ဃုာ်ဒီး တၢ်ဂီၤအါမး လၢအပာ်ဖျါန့ၢ်ပှၤ တၢ်ဂ့ၢ်လၢ အရ့ဒိၣ်တဖၣ်. ဒ်သိး နကဒိးန့ၢ်ဘၣ်အဘျုး လၢတၢ်ဂီၤတဖၣ်အံၤအဂီၢ် နကဘၣ်မၤဒ်လဲၣ်.
-
တချုးလၢ နဖးတၢ်ဂ့ၢ်ဒံးဘၣ်န့ၣ် ကွၢ်ဆိတၢ်ဂီၤ. တၢ်ဂီၤတဖၣ်အံၤ ကထိၣ်ဟူးထိၣ်ဂဲၤထီၣ်နၤလၢ နကအဲၣ်ဒိးဖးတၢ်ဂ့ၢ်. အဒိ ဖဲနထံၣ် တၢ်အီၣ်လၢ အလီၤအီၣ်တခွးအခါ တချုးလၢ နအီၣ်ဒံးဘၣ်န့ၣ် နကကွၢ်ဆိအီၤ. အဃိ ဖဲနကွၢ်တၢ်ဂီၤအခါ သံကွၢ်လီၤနသးလၢ ‘ယထံၣ်တၢ်မနုၤလဲၣ်.’—ဧၤ ၇:၇, ၈.
-
ဒီးဖဲနဖး တၢ်ဂ့ၢ်အခါ ဆိကမိၣ်ထီၣ်လၢ ဘၣ်မနုၤအဃိ ပှၤပၢနုာ် တၢ်ဂီၤတဖၣ်အံၤလဲၣ်. လံာ်ကျိၤလၢ အပာ်ဖျါထီၣ်တၢ်ဂီၤအဂ့ၢ် မ့ၢ်အိၣ်န့ၣ် ဖးအီၤစ့ၢ်ကီး. ဒီးဆိကမိၣ်ထီၣ်စ့ၢ်ကီးလၢ တၢ်ဂီၤတဖၣ် ဘၣ်ထွဲလိာ်သးဒီး တၢ်ဂ့ၢ်ဒ်လဲၣ် ဒီးနမၤထွဲ တၢ်ဂ့ၢ်လၢ နမၤလိဘၣ် ကသ့ဒ်လဲၣ်.
-
နဖးတၢ်ဂ့ၢ် ဝံၤအလီၢ်ခံ ဒ်သိးနကသ့ၣ်နီၣ်ထီၣ် တၢ်ဂ့ၢ်အရ့ဒိၣ်တဖၣ်အဂီၢ် ကွၢ်ကဒါက့ၤတၢ်ဂီၤ တဘျီကဒီး. ဘံၣ်ဃာ်နမဲာ်ချံ ဒီးဆိကမိၣ်ထီၣ်က့ၤ တၢ်ဂီၤလၢ နထံၣ်ဘၣ်တဖၣ် ဒီးဆိကမိၣ်ထံ တၢ်မၤလိလၢ နဒိးန့ၢ်ဘၣ်တဖၣ်.
-
ပဟ့ၣ်ဂံၢ်ဟ့ၣ်ဘါနၤလၢ နကကွၢ်ကဒါက့ၤ တၢ်ဂီၤလၢ တၢးထီခိးတၢ် တဘ့ၣ်အံၤအပူၤ ဒီးဆိကမိၣ်ထီၣ်က့ၤ တၢ်မၤလိအရ့ဒိၣ် လၢနမၤလိဘၣ်တဖၣ်.
