န​က​စံးဆၢ​ဒ်လဲၣ်

• မ့ၢ်

• တမ့ၢ်​ဘၣ်

• ဘၣ်​သ့ၣ်​သ့ၣ်

လံာ်စီဆှံ​တဲဝဲ​ဒ်လဲၣ်

“လၢ​မုၢ်နံၤအခံကတၢၢ်​တဖၣ်​အ​ပူၤ​န့ၣ်, အဆၢ​အကတီၢ်​လၢ အကီ​အခဲ​က​ဘၣ်​လီၤ.” (၂ တံၤမသ့း ၃:၁) ပ​မ့ၢ်​ထိၣ်သတြီၤ လံာ်စီဆှံ​အ​တၢ်စံးပာ်​ဒီး တၢ်မၤ​အသး​လၢ မုၢ်မဆါ​တနံၤ​အံၤန့ၣ် ပ​သ့ၣ်ညါ​ဘၣ်​လၢ ပ​အိၣ်မူ​ဘၣ်​လၢ “မုၢ်နံၤအခံကတၢၢ်” အတီၢ်ပူၤ​လီၤ.

ပ​မၤလိ​အါထီၣ်​တၢ်ဂ့ၢ်​အဂၤ​လၢ လံာ်စီဆှံ​အ​ပူၤ​က​သ့ဒံး​ဧါ

• မုၢ်နံၤခံကတၢၢ် အ​တၢ်​ပနီၣ်​န့ၣ် မ့ၢ်ဝဲ​တၢ်ဒုး​တၢ်ယၤ, တၢ်​သၣ်​ဝံၤ​လီၤဒိ, ဟီၣ်ခိၣ်​ဟူး ဒီး​တၢ်ဆါ​သံသတြိာ်​လီၤ.—မးသဲ ၂၄:၃, ၇; လူၤကၣ် ၂၁:၁၁.

• ဖဲ​မုၢ်နံၤခံကတၢၢ်​အဆၢ​ကတီၢ်​အံၤ ပှၤ​အါဂၤ​အ​လုၢ်လၢ်​သကဲာ်ပဝး​အၢထီၣ်​သီ​ထီၣ်​လီၤ.—၂ တံၤမသ့း ၃:၂-၅.

ပှၤ​တနီၤနီၤ​နာ်ဝဲ​လၢ . . . မုၢ်နံၤခံကတၢၢ်​န့ၣ် က​ကတၢၢ်​ကွံာ်ဝဲ​ဖဲ ဟီၣ်ခိၣ်​ဒီး​ကယဲၢ်​ပှၤ​ဟီၣ်ခိၣ်​ဖိ​ခဲလၢာ် က​ဘၣ်​တၢ်မၤ​ဟးဂီၤ​ကွံာ်​အီၤ​အခါ​န့ၣ်​လီၤ. မ့မ့ၢ်​ပှၤဂၤ​တဖၣ်​န့ၣ် မုၢ်လၢ်ဝဲ​လၢ ဟီၣ်ခိၣ်​အ​တၢ်အိၣ်သး​က​ဂ့ၤထီၣ်​ဝဲ​လီၤ.မ့မ့ၢ်​နၤ​န့ၣ် န​ဆိကမိၣ်​ဒ်လဲၣ်.

လံာ်စီဆှံ​တဲဝဲ​ဒ်လဲၣ်

“ပှၤတီ​ပှၤလိၤ​န့ၢ်ဘၣ်သါ​ထံဧိၤကီၢ်ဧိၤ, ဒီး​အိၣ်ဝဲ​ဆိးဝဲ​လီၤစိၤ​လီၤထီ​လီၤ.”—စံးထီၣ်​ပတြၢၤ ၃၇:၂၉.

ပ​မၤလိ​အါထီၣ်​တၢ်ဂ့ၢ်​အဂၤ​လၢ လံာ်စီဆှံ​အ​ပူၤ​က​သ့ဒံး​ဧါ

• မုၢ်နံၤခံကတၢၢ် က​ကတၢၢ်​ကွံာ်ဝဲ​ဖဲ ကစၢ်​ယွၤ​မၤ​လီၤမၢ်​ကွံာ် တၢ်အၢ​တၢ်သီ​ခဲလၢာ် အဆၢ​ကတီၢ်​န့ၣ်​လီၤ.—၁ ယိၤဟၣ် ၂:၁၇.

• ဟီၣ်ခိၣ်​ဒီဘ့ၣ် က​ကဲထီၣ်​ပၤရဒံစူး​လီၤ.—ယၡါယၤ ၃၅:၁, ၆.