တၢးထီခိးတၢ် နီၣ်ဂံၢ် ၁ ၂၀၂၃ | တၢ်သးလီၤစၢ်တၢ်ဆါ—လံာ်စီဆှံ မၤစၢၤသ့ဧါ
လၢဟီၣ်ခိၣ်ဒီဘ့ၣ်န့ၣ် ပှၤလၢအကကွဲၢ်တဖၣ် တူၢ်ဘၣ်ဝဲ တၢ်သးလီၤစၢ်တၢ်ဆါ. တၢ်ဆါတခါအံၤ ဘၣ်ဝဲပှၤသးစၢ်, ပှၤသးပှၢ်, ပှၤထူးပှၤတီၤ, ပှၤဖှီၣ်ပှၤယာ်, ပှၤကူၣ်ဘၣ်ကူၣ်သ့, ပှၤလၢအတၢ်ကူၣ်ဘၣ်ကူၣ်သ့တအိၣ်ဘၣ်, ပှၤကလုာ်ဒူၣ်အကလုာ်ကလုာ် ဒီးပှၤလၢအိၣ်ဒီး တၢ်ဘူၣ်တၢ်ဘါအကလုာ်ကလုာ်. အဃိ တၢ်သးလီၤစၢ်တၢ်ဆါန့ၣ် မ့ၢ်မနုၤလဲၣ် ဒီးအမၤဘၣ်ဒိပှၤသ့ဒ်လဲၣ်. လံာ်တဘ့ၣ်အံၤ ကပာ်ဖျါထီၣ်န့ၢ်ပှၤလၢ ပမ့ၢ်အိၣ်ဒီး တၢ်သးလီၤစၢ်တၢ်ဆါန့ၣ် ဘၣ်မနုၤဃိ အရ့ဒိၣ်လၢ ပကဘၣ်ဘှီဘျါသးလဲၣ် ဒီးလံာ်စီဆှံမၤစၢၤ ပှၤလၢအအိၣ်ဒီး တၢ်သးလီၤစၢ်တၢ်ဆါအံၤ ကသ့ဒ်လဲၣ်.
တၢ်သးလီၤစၢ်တၢ်ဆါ ကဲထီၣ်သးလၢ ဟီၣ်ခိၣ်ဒီဘ့ၣ်
တၢ်သးလီၤစၢ်တၢ်ဆါန့ၣ် အဘၣ်ဝဲ ပှၤသးပှၢ်, ပှၤသးစၢ် ဒီးပှၤအကလုာ်ကလုာ်. နမ့ၢ်အိၣ်ဒီး တၢ်သးလီၤစၢ်တၢ်ဆါန့ၣ် လံာ်စီဆှံ အတၢ်ဟ့ၣ်ကူၣ် မၤစၢၤနၤ ကသ့ဒ်လဲၣ်. ဃုသ့ၣ်ညါကွၢ်.
ကစၢ်ယွၤ သးအိၣ်နၤ
ဘၣ်မနုၤအဃိ နနာ်သ့လၢ ယဟိဝၤယွၤန့ၣ် မ့ၢ်ပှၤလၢအနၢ်ပၢၢ် နတၢ်တူၢ်ဘၣ်ဒိၣ်ကတၢၢ်လဲၣ်.
၁ | တၢ်ဃ့ထုကဖၣ်—“ပာ်ထီၣ် သုတၢ်ဘၣ်ယိၣ်ဘၣ်ဘှီခဲလၢာ်လၢ အအိၣ်”
နမ့ၢ်သးကိၢ်တၢ် ဒီးဘၣ်ယိၣ်တၢ်န့ၣ် နဃ့ထုကဖၣ် ဒီးတဲပၠး ကစၢ်ယွၤသ့ဧါ. ပှၤလၢအအိၣ်ဒီး တၢ်သူၣ်ကိၢ်သးဂီၤတဖၣ်န့ၣ် တၢ်ထုကဖၣ် မၤစၢၤအီၤကသ့ဧါ.
၂ | “တၢ်မၤမုာ်ထီၣ်က့ၤလၢ ပဒိးန့ၢ်ဘၣ်အီၤလၢ တၢ်ကွဲးအသးတဖၣ်အပူၤ”
လံာ်စီဆှံ ဟ့ၣ်ပှၤတၢ်မုၢ်လၢ်လၢ တၢ်သူၣ်အုးသးအုးတဖၣ်ကလီၤမၢ်ကွံာ်
၃ | တၢ်အဒိအတဲာ်လၢ လံာ်စီဆှံပူၤန့ၣ် ကဲဘျုးလၢ ပဂီၢ်ဒ်လဲၣ်
လံာ်စီဆှံပူၤန့ၣ် အိၣ်ဒီးပိာ်မုၣ် ဒီးပိာ်ခွါ အတၢ်လဲၤခီဖျိနီၢ်ကီၢ် လၢအဝဲသ့ၣ်အိၣ်ဒီး တၢ်တူၢ်ဘၣ်အကလုာ်ကလုာ်လၢ အမၤစၢၤပှၤ ဒ်သိးပကသ့ၣ်ညါလၢ ဖဲပတူၢ်ဘၣ် တၢ်သူၣ်ကိၢ်သးဂီၤအခါ ပတအိၣ်သယုၢ်ထဲတဂၤဘၣ်.
၄ | လံာ်စီဆှံတၢ်ဟ့ၣ်ကူၣ်န့ၣ် အကဲဘျုး
နမ့ၢ်ဆိမိၣ်ထံ လံာ်စီဆှံအဆၢတဖၣ် ဒီးပာ်လီၤဖီတၢၣ်လၢ နမၤလၢပှဲၤအီၤန့ၢ်န့ၣ် ကမၤစၢၤနၤဒ်သိး နလဲၤခီဖျိ တၢ်သးလီၤစၢ်တၢ်ဆါကန့ၢ်.
ပမၤစၢၤ ပှၤလၢအိၣ်ဒီး တၢ်သးလီၤစၢ်တၢ်ဆါ ကသ့ဒ်လဲၣ်
ပသကီးတဂၤ မ့ၢ်အိၣ်ဒီး တၢ်သးလီၤစၢ်တၢ်ဆါန့ၣ် ပပာ်ဖျါထီၣ်လၢ ပအဲၣ်ဒီးပသးအိၣ်အီၤ သ့ခီဖျိ ပမၤစၢၤအီၤ.
