ဖဲ မုၢ်ယဲၢ်နံၤ, လါဖ့ၤဘြူၤအါရံၤ ၂၄, ၂၀၂၃ န့ၣ်ယူၣ်ခြ့တၢ်ဒုး ပှဲၤထီၣ်ဝဲ တနံၣ်. တၢ်ကစီၣ်တနီၤ ပာ်ဖျါထီၣ်ဝဲလၢ ခီဖျိလၢ တၢ်ဒုးအံၤအဃိ ယူၣ်ခြ့ ဒီးရၢၡါအသုးဖိလၢ အသံဒီးအဘၣ်ဒိန့ၣ် ကအိၣ်ဝဲအဂၤ ၃၀၀,၀၀၀. ဒီးပှၤတယာ်ဝဲလၢ ပှၤထံဖိကီၢ်ဖိလၢ အသံလၢတၢ်ဒုးအံၤအဃိန့ၣ် ကအိၣ်ဝဲ ၃၀,၀၀၀. ဘၣ်ဆၣ် ဘၣ်သ့ၣ်သ့ၣ် ပှၤကသံဝဲ အါန့ၢ်အန့ၣ်ဒံး.

 ဖျါလၢ တၢ်ဒုးအံၤ တကတၢၢ်ဝဲညီညီဒံးဘၣ်အဃိ လီၤသးအုးဒိၣ်မး.

•   ဖဲ လါဖ့ၤဘြူၤအါရံၤ ၁၉, ၂၀၂၃ န့ၣ် NPR (National Public Radio) တဲဝဲလၢ “ရၢၡါအသုးဖိတဖၣ် နုာ်လီၤလၢ ကီၢ်ယူၣ်ခြ့န့ၣ် တနံၣ်ကပှဲၤထီၣ်လီၤ. ဘၣ်ဆၣ် ဖျါလၢ တၢ်ဒုးအံၤ တကတၢၢ်ဝဲဒံးဘၣ်. ဖျါလၢ အဝဲသ့ၣ် ခံဖုလၢာ်န့ၣ် တနၢၤနီတဖုဘၣ် ဒီးကမၤပတုာ်ဝဲ တၢ်ဒုးအဂီၢ် ဃုဝဲတၢ်အစၢတဘၣ်ဘၣ်.”

 ခီဖျိလၢ တၢ်ဒုးတခါအံၤ ဒီးတၢ်ဒုးအဂၤတဖၣ်အဃိ ပှၤအါဂၤန့ၣ် တူၢ်ဘၣ်တၢ်နးတၢ်ဖှီၣ် ဒီးတၢ်ကီတၢ်ခဲအဃိ အသးတမုာ်ဘၣ်. ဘၣ်ဆၣ် လံာ်စီဆှံ ဟ့ၣ်ပှၤတၢ်မုၢ်လၢ်ဒ်လဲၣ်. မ့ၢ်တၢ်ဒုးတၢ်ယၤ ကကတၢၢ်ကွံာ်ဝဲ တဘျီဘျီဧါ.

 လံာ်စီဆှံ ပာ်ဖျါထီၣ်ဝဲ တၢ်ဒုးတခါလၢ ကမၤစၢၤပှၤဟီၣ်ခိၣ်ဖိ ဒီးတမၤဘၣ်ဒိ ပှၤဟီၣ်ခိၣ်ဖိဘၣ်အဂ့ၢ်. တၢ်ဒုးတခါအံၤန့ၣ် လံာ်စီဆှံ ကိးအီၤလၢ အၢ်မက့းဒိၣ် ဒီးအကဲဝဲ “တၢ်ဒုးလၢ အကမၤအသး ဖဲသ့တၢ်လၢာ်ကစၢ်ယွၤ အမုၢ်နံၤဖးဒိၣ်အခါ” လီၤ. (လီၣ်ဖျါ ၁၆:​၁၄, ၁၆) ကစၢ်ယွၤ ကသူဝဲတၢ်ဒုးတခါအံၤ ဒ်သိးကမၤဟးဂီၤကွံာ် ဟီၣ်ခိၣ်အတၢ်ပၢတၢ်ပြးလၢ အဒုးအိၣ်ထီၣ် တၢ်ဒုးတၢ်ယၤလၢ အမၤဟးဂီၤတၢ်အါမး. အၢ်မက့းဒိၣ်တၢ်ဒုး ကဒုးအိၣ်ထီၣ်ဝဲ တၢ်မုာ်တၢ်ခုၣ် လီၤထူလီၤယိာ် ဒ်လဲၣ်န့ၣ် ဒ်သိးနကသ့ၣ်ညါအါထီၣ်အဂီၢ် ဖးကွၢ်တၢ်ဂ့ၢ်လၢ တၢ်ဖီလာ်တဖၣ်အံၤ.

•   “အၢ်မက့းဒိၣ် အတၢ်ဒုးန့ၣ် မ့ၢ်မနုၤလဲၣ်”

•   “အၢ်မက့းဒိၣ်န့ၣ် မ့ၢ်တၢ်သးခုကစီၣ်”