တၢ်သးဝံၣ် ၉၀
ဟ့ၣ်ဂံၢ်ဟ့ၣ်ဘါလိာ်သး
-
၁. ပမ့ၢ်ဟ့ၣ်ဂံၢ်ဟ့ၣ်ဘါလိာ်သးန့ၣ်
မၤယွၤတၢ် လၢတၢ်သးတီသ့.
ကစၢ်ယဟိဝၤပှၤဂီၢ်မုၢ်ကျါ
တၢ်ဃူဖိးဒီးတၢ်အဲၣ်အိၣ်အါ.
တၢ်အဲၣ်ဒုးဆူၣ်ထီၣ်က့ၤပဂံၢ်ဘါ
မၤစၢၤလၢကလဲၤတၢ်ဆူညါ.
တၢ်အိၣ်ဖှိၣ်မ့ၢ်တၢ်ပူၤဖျဲးအလီၢ်
တူၢ်ဘၣ်တၢ်ဘံၣ်တၢ်ဘၢနီၢ်ကီၢ်.
-
၂. ပတၢ်ကတိၤလၢအမုာ်တထံၣ်
ပှၤသးအုးဒိးန့ၢ်တၢ်သးဖှံ.
လၢနတံၤသကိးတီလိၤအကျါ
တၢ်စံးကတိၤမုာ်နၢ်ဟူဘၣ်.
ပာ်လီၤဖီတၢၣ်လၢယွၤအတၢ်မၤ
ဃုာ်ဒီးယွၤတံၤသကိးအဂၤ.
ကမၤဆူၣ်ထီၣ်ဒီပုၢ်ဝဲၢ်ဂံၢ်ဘါ
ဝံစၢၤအတၢ်ဝံလၢအနး.
-
၃. လၢသးတၢ်နာ်မဲာ်ချံပထံၣ်ဘၣ်
ယွၤမုၢ်နံၤဟဲဘူးထီၣ်သပှၢ်.
ဒ်သိးပကလဲၤပိာ်ကျဲလိၤလိၤ
ဘၣ်အိၣ်ဖှိၣ်ရိဖှိၣ်ဒ်သိးသိး.
မၤယွၤတၢ်မၤဒီးအခ့အပှၤ
ဃူဃူဖိးဖိးမၤအီၤသပှၢ်.
ဒ်သိးပကဆဲးတီဒီးစၢ်ယွၤ
ပဘၣ်ဟ့ၣ်ဂံၢ်ဟ့ၣ်ဘါလိာ်သး.
(ကွၢ်စ့ၢ်ကီး လူၤ. ၂၂:၃၂; မၤတၢ်. ၁၄:၂၁, ၂၂; ကလၤ. ၆:၂; ၁ သ့း. ၅:၁၄ တက့ၢ်.)
